Monday , July 4 2022

Manicad: Bagong dugo kailangan sa Senado

NANAWAGAN ang broad­cast journalist at kandidato para sa Senado na si Jiggy Manicad na kailangan ng bagong dugo sa Senado upang magpatupad ng mga makabagong ideya at malikhaing solusyong tutu­gon sa mga problema ng bansa.

Si Manicad, isang batikang mamamahayag na ngayon lamang sumabak sa politika, ay partikular na nag­susulong ng agarang repor­ma sa sektor ng agrikultura at sa mga kasunduang magpapabuti ng trato sa oversesas Filipino workers (OFWs) na nagtatrabaho sa ibang bansa.

Dahil marami sa kan­yang mga kapwa kandidato ay nakapagserbisyo na sa Senado, naniniwala si Manicad na kailangan din ng mga bagong mukha upang i-”complement” ang kara­nasan ng mga beteranong mambabatas.

“The Senate needs new blood, fresh ideas and the political will to institute reforms,” pahayag ni Mani­cad na isa sa mga pinaka­batang kandidato para sa Senado sa darating na halalan.

Kabilang sa mga repor­mang kanyang isinusulong ang pagpaparami ng mga “Bagsakan Center,” pag­sasagawa ng mas mara­ming farm-to-market roads, paggamit ng bagong tekno­lohiya upang palakasin ang produksyon sa agrikultura, at pagtatalaga ng mas maraming eksperto at siyen­tipiko sa Department of Agriculture (DA).

Ang Bagsakan Center ay isang bilihan para sa ani mula sa mga sakahan na pinatatakbo ng mga magsa­saka mismo upang hindi na dumaan ang kanilang mga produkto sa mga middleman.

Isa pang prayoridad na sinusulong ni Manicad ang pagwawakas sa kafala system ng ibang mga bansa sa Middle East na marami ang OFWs.

Sa ilalim ng nasabing sistema, ang bawat migran­teng empleyado ay magka­ka­roon ng “sponsor” sa bansang pupuntahan bago pa man dumating doon.

Ang ‘sponsor’ ay maaaring tao o kompanya.

About hataw tabloid

Check Also

Bulacan Airport Special Economic Zone

Bulacan Airport Special Economic Zone ibinasura ni Marcos, Jr.

IPINAWALANG BISA ni Pangulong Ferdinand Marcos, Jr., ang House Bill No. 7575 na naglalayong gawing …

Malacañan

Palasyo dumistanya
Bonggang birthday party ni Imelda Marcos, binatikos ng netizens

DUMISTANSIYA ang Office of the Press Secretary sa napaulat na bonggang birthday party ni dating …

Nasamsam ng PDEA P1.7-B  SHABU HULI SA 2 CHINESE NAT’L

Nasamsam ng PDEA
P1.7-B  SHABU HULI SA 2 CHINESE NAT’L 

UMAABOT sa 260 kilo ng hinihinalang shabu, nakasilid sa tea packs at nagkakahalaga ng kabuuang …

ni ROSE NOVENARIO TODO-SUPORTA si Pangulong Ferdinand Marcos, Jr., sa pagtatayo ng Bulacan Airport City Special Economic Zone and Freeport at ang kanyang desisyon na i-veto ang House Bill 7575 ay may layuning ayusin ang mga depekto ng panukalang batas. “Presidential Veto is fastest way to cure the defects of HB 7575 especially the provision which exempts the Commission on Audit to look into the financial transactions on the special economic zone and freeport,” sabi ni Press Secretary Trixie Cruz- Angeles. “Had the President not vetoed the HB 7575, it would have lapsed into law on July 4 or 30 days after the bill was sent by the legislature to Malacañang,” dagdag niya. Giit ng kalihim, kapos ang panukalang batas ng mga sangkap upang iugnay sa ibang batas, patakaran at regulasyon dahil hindi nakasaad dito na sakop ito ng audit provisions ng Commission on Audit (COA), “procedures for the expropriation of lands awarded to agrarian reform beneficiaries and a master plan for the specific metes and bounds of the economic zone.” Binigyan diin ni Angeles, lahat ng transaksiyon sa pananalapi ng gobyerno ay isinasailalim sa audit procedures ng COA at hindi dapat absuwelto sa naturang proseso ang Bulacan Airport City Special Economic Zone and Freeport. “Without those necessary amendments indicated in the veto explanation, the law may be vulnerable to constitutional challenge. The delegation of rule-making power on environmental laws which is unique to the special economic zone is of particular concern,” ani Angeles. Inilinaw ni Angeles, tuloy ang konstruksiyon ng P740-billion international airport sa Bulacan dahil ang “San Miguel franchise to operate the airport” ay aprobado ng Senado at Kamara noong 11 Oktubre 2020. “The construction of the Bulacan international airport and aero city is not affected by the veto. The presidential veto was meant to include the necessary corrections and include the missing processes that might render HB 7575 entirely unconstitutional,” paliwanag niya.

Sa Bulacan Airport City Special Economic Zone and Freeport
‘DEPEKTO’ NG HB 7575 AAYUSIN NG VETO 

ni ROSE NOVENARIO TODO-SUPORTA si Pangulong Ferdinand Marcos, Jr., sa pagtatayo ng Bulacan Airport City …

ombudsman

Kasong plunder at graft isinampa vs Lipa City Mayor Africa, 7 empleyado

SINAMPAHAN sa Office of the Ombudsman ng kasong kriminal at administratibo si re-elected Lipa City …

Leave a Reply