Saturday , June 15 2024

Marlo Mortel, sobrang na-miss ang namayapang ina sa kanyang birthday celeb

SINORPRESA ng kanyang fans ang Kapamilya actor na si Marlo Mortel para sa kanyang post birthday celebration na ginanap kamakailan sa Icon Hotel.

Nagkaroon dito ng games, photo ops, mga pagbati/messages at nagpaunlak siyempre ng kanta si Marlo mula sa kanyang album na Serye. Pinasalamatan ni Marlo ang kanyang tagasuporta sa Marlo’s World sa pangunguna ni Eve Villanueva at mga admins nito. Ang ibang fans na nagpunta roon ay galing pa sa Nueva Ecija, Cavite, Bata­ngas, Laguna, at iba pang malalayong lugar. Kabilang din sa nakiisa sa naturang selebrasyon ang fans ng MarNella, kaya sobra ang pasa­salamat ni Marlo sa kanilang lahat.

Ano ang latest kay Marlo? “Ang latest ay sa album pa rin, ang aim namin ay mag-viral ang music video ko, ang title nito ay Habang Ako’y Mag-isa at kasama ko sa video si Claire Ruiz. Dati ko pa siyang nakasama sa Be Careful With My Heart at nakasama ko rin siya sa pag-guest namin sa MMK,” panimula niya.

Paano siya nagdiwang ng birthday? “Wala, sobra akong nag-relax lang talaga, kasi for the past five years ay lagi akong may work kapag birthday ko. As in, gabi ay may taping, tapos sa morning ay may Umagang Kay Ganda. Kaya gusto ko naman ay tahimik para makapag-relax. So, nagpunta kami sa Bali with friends.”

Ano ang pakiram­dam na first time siyang nag-celebrate ng birthday na wala na ang kanyang mother? “Sobrang ma­lung­kot, actually talagang mas malungkot… siguro after two months na lang ako umiyak, every­day. Halos every day din ay napapa­naginipan ko talaga siya, halos everyday.

“Kaya minsan ay umiiyak na lang ako, parang ganoon. Kasi habang tumatagal, lalo mong nararamdaman kung ano iyong kulang talaga. Lalo na at tatlo lang kami talaga at sa kanya kasi ako lumaki, dahil ang daddy ko ay nasa abroad kasi, e. So, roon ko lalong nare-realize na buong buhay ko pala ay kasama ko siya,” saad ni Marlo ukol sa kanyang mahal na ina.

Ano pa ang wish niya ngayong 2019? “Hindi naman kahit na natupad ay fulfilled na ako, siguro mas gusto kong maging successful kung ano man ‘yung mga upcoming… kunwari, album. Wala pa kasi roon sa success rate talaga e. Wala pa, kasi kalalabas pa lang. So, gusto kong ma-reach niya ‘yung level of success na deserve niya. Kasi, talagang pinaghirapan ko talaga iyan. Ta­la­gang sariling experiences ko ang mga ‘yan.”

Incidentally, ang Serye album ni Marlo ay may seven songs na lahat ay siya mismo ang nagsulat. Ito ay naglalaman ng personal experiences niya about love at bukod sa Habang Ako’y Mag-isa, kabilang sa mga kanta rito ang Sana Ikaw Na NgaUnang BesesPa’no Na AkoI’m Movin OnLisanin, at I Pray.

ALAM MO NA!
ni Nonie Nicasio

About Nonie Nicasio

Check Also

Sanya Lopez

Sanya napraning sa stalker

MA at PAni Rommel Placente INAMIN ni  Sanya Lopez sa interbyu sa kanya sa Chika Minute sa 24 Oras, na …

Charles Raymond Law

New heartthrob ng Viva wish makagawa ng mala-Freddie Highmore role sa The Good Doctor

MATABILni John Fontanilla NAGDIWANG ng kanyang ika-16 birthday ang future heartthrob ng Viva Entertainment na si Charles Raymond …

Wize Estabillo

Bidaman Wize inalok ng P1-M kapalit ng one night stand

MATABILni John Fontanilla DAGSA ang natatanggap na indecent proposal ni Wize Estabillo sa kanyang mga social media …

Joshua Garcia Carlo Aquino Charlie Dizon

Joshua hinanap sa kasal nina Carlo at Charlie

MA at PAni Rommel Placente INISNAB nga ba ni Joshua Garcia ang kasal nina Carlo Aquino at Charlie Dizon? Tanong …

Kira Balinger Kelvin Miranda

Kelvin kakaiba ang na-experience nang makatrabaho si Kira

RATED Rni Rommel Gonzales REFRESHING mapanood sa isang pelikula na magkapareha ang isang Kapuso at …

Leave a Reply

Your email address will not be published. Required fields are marked *