Arnell, ‘di na ma-search ang personal FB account

BIGLA na lang naglaho ang Facebook account ng aming malapit na kaibigan at OWWA Deputy Admin Arnell Ignacio. 

Tsika ni Arnell sa pagkawala ng kanyang FB account, “Biglang na-disable, hindi na ako nase-search. Kaya ako ay nagugulat kung anong nangyari sa…Tapos noong una kasi blocked lang.

“January 1, io-open uli. Kaya lang noong January 1, sinabi na sa akin na the decision is final.”

Baka may kinalaman sa mga ipino-post nito sa FB m, pero ayon kay Arnell, ”Basta ang huli kong posts ay tungkol lang sa akin ‘yun, eh. Ang pinakanaalala ko siyempre magpo-post ako tungkol kay Leni (Robredo).

“May lumabas lang sa feed ko na nakalagay ‘yung Miss Universe Miss Useless. Hindi naman ako hindi naman galing sa akin ‘yun, eh. Natawa lang ako kaya shinare ko. ‘You work hard for this?’ Hindi ko rin alam kung iyon ‘yung ano. Wala kasi akong maisip na ipinost ko na…”

Panawagan nga nito, “Sana naman (maibalik). I’ve got so many years of memories doon. Ang tagal-tagal na (ng Facebook account ko) tapos biglang aalisin lang ng ganoon na hindi ko alam kung bakit.”

Until now ay cluless at palaisipan pa rin kay Arnell kung ano ang na-violate niya sa FB at ganoon na lang  kabilis na nag-disappear ang kanyang personal FB account.

MATABIL
ni John Fontanilla