Friday , March 29 2024

Razorback drummer, doctor, 1 pa nag-suicide

TATLONG suicide na kinasasangkutan ng isang celebrity musician, ba­baeng doktor at isang dayuhang Taiwanese ang naitala ng pulisya kaha­pon sa mga lungsod ng Maynila, Pasay at Taguig.

Unang pumutok sa social media ang pina­niniwalaang pagpa­pa­kamaty ni Razorback drummer Brian Velasco nang mapanood ang selfie video na mismong ang biktima umano ang nag-post.

Sa video post sa social media, na agad din tinanggal paglaon, maki­kitang kinunan ni Velasco ang sariling mukha saka pumailanlang sa ere patalikod habang hawak pa rin ang kanyang cell­phone at inire-record ang kanyang pagbulusok. 

Sa unang pagputok ng balita, sinabing nahu­log sa kanyang conmdo­minium ang biktima nang matagpuang patay kaha­pon, Miyerkoles ng umaga sa Malate, Maynila.

Sa ulat ni C/Insp. Rommel Anicete, ng Manila Police District  Homicide section, si Velasco ng Razorback ay naninirahan sa Tower 1 City Land Tower sa panu­­lukan ng  P. Ocam­po at Leveriza streets, na kinatagpuan sa kanyang nalasog na katawan.

Nadiskubre ang du­guang katawan ng biktima sa ibabaw ng safety canopy sa ground floor na sinabing nahulog mula sa 34th floor ng nasabing gusali.

Dinala ang labi ni Velasco sa La Funeraria Paz sa Parañaque.

Lumagda rin umano sa isang waiver ang ina ni Vleasco na hindi na nila paiimbestigahan ang kamatayan ng anak.

Samantala sa Taguig City, natagpuang naka­big­ti sa loob ng banyo ng tinitirahang condo­mi­nium unit ang isang doktora, nitong Martes (16 Enero) ng hapon.

Binawian ng buhay sa St. Lukes Medical Center dakong 6:18 ng gabi ang biktimang si Narcisa Fajardo, 47,  residente sa Bonifacio Global City (BGC), Taguig City.

Sa ulat ng Southern Police District (SPD), natagpuan ng kanyang anak na babae na si Sarah Therese Chaudhry, ang ina na nakabigti ng scarf sa loob ng banyo ng kanilang condominium unit, dakong 5:16 ng hapon.

Sinabi ni Chaudhry sa mga imbestigador ng pulisya, nagulat at nang­hina umano siya nang kanyang madatnan ang ina na nakabigti sa bakal na sabitan ng kur­tina sa banyo.

Dali-dali siyang humingi ng tulong mula sa medic personnel ng Two Serendra at mga guwardiya upang dalhin sa pagamutan ang kan­yang ina pero nalagutan na ng hininga ang biktima.

Masusing iniim­bestigahan ang insidente ng team nina Taguig City police homicide inves­tigators SPO3 Cornelio Diones, SPO2 Roger Aquilesca at PO3 Morced Lagensay.

Sa Pasay City, isang Taiwanese national ang tinapos ang sariling bu­hay sa pamamagitan ng pagbaril sa sarili sa gilid ng kalsada sa Pasay City, nitong Martes  ng hapon.

Kinilala ng pulisya ang biktima na si Wang Yi Chieh, pansa­manta­lang tumutuloy sa isang hotel sa lungsod.

Sa ulat na nakarating kay Pasay City police chief S/Supt. Noel Flores, naganap ang pagpapa­tiwakal ng dayuhan sa gilid ng FB Harrison Extension, Bgy. 76, Zone 10 sa nasabing lungsod, dakong 3:00 ng hapon.

Bago umano ang insi­dente, huling nakita si Chieh na tila balisa at problemado habang naka­upo sa gutter ng kalsada.

Sinabing may naka­punang naglabas ng baril ang dayuhan mula sa kanyang bag na ipinutok sa kanyang sentido na agad niyang ikinamatay.

Sa kabila nito, patu­loy ang isina­sagawang imbestigasyon ng awto­ridad sa nasabing insidente. (Ulat nina BRIAN BILASANO at JAJA GARCIA)

About Brian Bilasano

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *