Wednesday , February 21 2024

Makasaysayang 20-team field, paparada sa DLeague

DALAWAMPUNG koponan ang magbabakbakan sa maka­saysayang 2019 PBA Develop­menta League ngayong taon na lalarga sa 14 Pebrero sa Ynares Sports Arena sa Pasig City.

Gigiyahan ng nakaraang kampeon na Go For Gold ang pinakamalaking bilang ng koponan sa kasaysayan ng semi-professional league para sa misyong masungkit ang back-to-back titles.

Hindi naman magiging madali ang misyong iyon ng Scratchers lalo’t ang UAAP king na Ateneo at NCAA champion San Beda ang pinakamalaking balakid sa kanilang daan.

Hindi rin pahuhuli ang back-to-back runner-up na Che’Lu Bar and Grill na tang­kang makuha sa wakas ang mailap na titulo kasama ang mga beterano sa DLeague na CEU, Marinerong Pilipino, Batangas-EAC, AMA Online Education, Perpetual, St. Clare at Wangs Basketball.

Kasama rin sa makasay­sayang torneo ang mga UAAP teams na FEU, UST at NU gayondin ang mga koponan sa NCAA na Letran at San Sebastian na hangarin lahat na makapagpalakas at magpa­kondisyon bago ang simula ng kanilang liga ngayong taon.

Masusubok din ang kilatis ng mga bagito sa DLeague na Diliman College, Phoenix-Enderun, Trinity College at McDavid na komompleto sa 20-team field ngayon ng DLeague.

Ito na ngayon ang pinaka­maraming bilang ng koponan sa kasaysayan ng DLeague simula nang maitayo ito noong 2010.

Sa unang pagkakataon din, isang mahabang season na lamang ang DLeague kompara sa mga nakaraang taon na may dalawang conference ang liga tulad ng Aspirants’ Cup at Foundation Cup.

Bilang kulelat sa dalawang komperensiya noong nakaraang taon, ang AMA Titans ulit ang pipili ng first overall pick sa 2-19 PBA Dleague Draft na gaganapin sa 15 Enero. (JOHN BRYAN ULANDAY)

About John Bryan Ulanday

Check Also

NCAA Season 99 Juniors Basketball Tournament

NCAA Juniors Basketball Tournament simula na 

RATED Rni Rommel Gonzales PATULOY ang aksiyon sa NCAA Season 99 dahil umpisa na ang bakbakan sa NCAA …

Christian Mark Daluz Chess

Sa Antonio “Bolok” Memorial Open Rapid Chess Tournament
FM DALUZ WINALIS MGA KATUNGGALI

MARIKINA CITY — Napanatili ni FIDE Master (FM) Christian Mark Daluz ang mainit na simula …

Niño Alcantara Tennis

Naging Number One Doubles Player sa Pilipinas  
NIÑO ALCANTARA UMAKYAT MULA 176 HANGGANG 169 SA ATP RANKINGS

SI NIÑO Alcantara, ang sumisikat na tennis star mula sa Pilipinas, ay patuloy na gumagawa …

Surigao Diamond Knights ACAPI Chess

Surigao Diamond Knights: Ready, excited na maglaro sa ACAPI tourney

MANILA—Sabi ng beteranong woodpusher na si Lennon Hart Salgados na team captain ng Surigao Diamond …

Jethro Dino Cordero Aquino Chess

Nakakakuha ng 1st IM norm at outright FIDE Master title  
INCOMING LA SALLE STUDENT NAKISALO SA IKA-5 PUWESTO SA INDIA CHESS TILT

Panghuling standing: (10 round Swiss System) 8.0 puntos–GM Sayantan Das (India) 7.5 puntos—GM  Diptayan Ghosh(India), …

Leave a Reply

Your email address will not be published. Required fields are marked *