Sunday , February 25 2024

Gilas, sasandal sa 15-man pool

BILANG sagot sa mungkahi ni head coach Yeng Guiao noong nakaraang window, 15-man pool na lamang ang ipaparada ng Gilas Pilipinas simula ngayon para sa papalapit na ikaanim at huling window ng 2019 FIBA World Cup Asian Qualifiers sa susunod na buwan.

Ito ang inianunsiyo ni Samahang Basketbol ng Pilipinas (SBP) President Al Panlilio at mismo ni Gilas mentor Guiao, isang buwan bago ang krusyal na sagupaan ng pambansang koponan kontra sa Qatar at Kazakhstan sa 21 at 24 Pebrero.

“‘Yung pool natin maliit na lang, 15-man pool na lang,” ani Guiao. “Para mas madali nilang makuha ‘yung sistema at mas mahaba ‘yung pagsasanay natin.”

Sa fifth window noong nakarang Disyembre, malaking 20-man pool ang inilaban ng Gilas Pilipinas at naging problema ang chemistry at kakulangan sa pagsasanay bunsod sa dami ng manlalaro nang kapusin ang Nationals sa mga dayong Kazakhstan, 88-92, at Iran, 70-78.

Dahil doon, iminungkahi ni Guiao na paliitin sa 15-man pool para magkaroon nang mas malaking pag-asa ang Gilas na makapasok pa rin sa FIBA World Cup na gaganapin sa China ngayong Agosto.

Sa ngayon kasi ay nagku­kumahog sa ikaapat na puwes­to ng Group F ang Gilas hawak ang 5-5- kartada at kinailangan maipanalo ang huling dala­wang laban upang makapasok pa rin sa World Cup.

Inaasahang tutulong sa tangkain na iyon ng Gilas ang nagbabalik na naturalized player na si Andray Blatche na sigurado nang kasama sa naturang 15-man pool ng pambansang koponan.

Ngunit sa kanyang pag­pasok, ibig sabihin din ng pagkakatanggal sa pool nina Christian Standhardinger at Stanley Pringle na sumalo sa naturalized player spot ni Blatche sa nakaraang dalawang windows.

“Kasama na si Blatche doon ngayon. Ibig sabihin, mawa­walan ng slots sina Christian at Stanley. That’s the harsh reality we have to face. All I can do is manghinayang ako.”

Magsisimula ang twice-a-week training ng Gilas sa 21 Enero kung kailan din inaa­sahang darating si Blatche.

Nakatakdang tumigil ang PBA na kasalukuyang idina­raos ang 2019 Philippine Cup simula 14 Pebrero upang magbigay-daan sa puspusang pagsasanay ng Gilas.

Inaasahang iaanunsiyo ng SBP ang kompletong 15-man pool nito ngayong linggo.

ni John Bryan Ulanday

About John Bryan Ulanday

Check Also

FESSAP

FESSAP-APUG 3×3 Philippines didribol sa Marso 15-17

IPINAHAYAG ng One Dream Sportsman, sa pamumuno ni basketball coach Dr. Norman Afable, ang pagdaraos …

NCAA Season 99 Juniors Basketball Tournament

NCAA Juniors Basketball Tournament simula na 

RATED Rni Rommel Gonzales PATULOY ang aksiyon sa NCAA Season 99 dahil umpisa na ang bakbakan sa NCAA …

Christian Mark Daluz Chess

Sa Antonio “Bolok” Memorial Open Rapid Chess Tournament
FM DALUZ WINALIS MGA KATUNGGALI

MARIKINA CITY — Napanatili ni FIDE Master (FM) Christian Mark Daluz ang mainit na simula …

Niño Alcantara Tennis

Naging Number One Doubles Player sa Pilipinas  
NIÑO ALCANTARA UMAKYAT MULA 176 HANGGANG 169 SA ATP RANKINGS

SI NIÑO Alcantara, ang sumisikat na tennis star mula sa Pilipinas, ay patuloy na gumagawa …

Surigao Diamond Knights ACAPI Chess

Surigao Diamond Knights: Ready, excited na maglaro sa ACAPI tourney

MANILA—Sabi ng beteranong woodpusher na si Lennon Hart Salgados na team captain ng Surigao Diamond …

Leave a Reply

Your email address will not be published. Required fields are marked *