Friday , January 27 2023

E ano kung pagbintangan tayong pulahan?

NAKATATAWA at kakatwa ang “red-tagging” ng pamahalaang Duterte sa National Union of Journalists of the Philippines (NUJP) bilang prente ng Communist Party of the Philippines (CPP), National Democratic Front (NDF) at New Peoples Army (NPA).
Itinatag ang NUJP noong 1990s ni dating National Press Club (NPC) president Antonio “Tony” Nieva, panahon na itinatag namin ng kanang kamay niyang si Leo Santiago ang Journalist Chess Club of the Philippines.
Madalas ako sa tanggapan ni Nieva noong inaayos namin ni Santiago ang papeles ng JCCP at lagi ko siyang naaabutan sa maliit na tanggapan sa NPC Bldg. na sumisingasing ang makinilya. Kaya 1990s pa lang, naging miyembro na ako ng NUJP dahil kina Nieva at Santiago.
Kaya nagulat ako nang isang Mario Ludades kuno na tagapagsalita ng No to communist terrorist group coalition at lider ng mga katutubo sa Cordillera ang nagpalutang na prente ng CPP-NPA ang NUJP.
Dumagdag pa rito ang isang organisador daw ng  NUJP na si alyas “Ka Ernesto” ng Kilusan at Alyansa ng mga Dating Rebelde (KADRE).
Hindi man ako aktibong miyembro ng NUJP, nakapaninindig ng balahibo ang paratang ni Ludades dahil inilagay niya sa peligro ang buhay ng opisyales at miyembro ng samahan.
Ang alam ko, dati rin mga miyembro ng NUJP sina Undersecretary Joel Egco ng Presidential Task Force on Media Security at kasalukuyang NPC Vice President Paul Gutierrrez kaya nagtataka ako sa sobra nilang ‘pananahimik.’
Tahimik din ang mga dating nakasama sa kung ano-anong samahan at kilusan na miyembro na ngayon ng Fourth Estate kaya lalo wala akong maaasahang suporta sa kanila para sa NUJP.
Isang tiyak na susuporta para sa NUJP ang kilalang mamamahayag ng Bulacan na si Jose “Ka Joey” Rey Munsayac, dating pangulo ng Bulacan Press Club (BPC), na sumuporta sa akin noong itinayo ko ang barikada sa Brgy. Longos, Balagtas, Bulacan laban sa Teeson Chemicals Corp. noong 1986.
Limot na sa bayan ko ang Teeson at ang pinsalang inabot ng aming ilog noon pero batid ni Ka Joey ang mga ginawa kong kabulastugan sa pabrika ng alkohol na pag-aaari ng mga Intsik na sobrang lakas kay dating unang ginang Imelda Marcos.
Kaya ngayon, umaasa ako ng suporta kay Ka Joey at sa mga kasamahan ko sa BPC para sa NUJP. E ano kung pagbintangan tayong pulahan, iyon naman ang tunay na kulay ng pakikipaglaban.

ABOT-SIPAT
ni Ariel Dim Borlongan

About Ariel Dim Borlongan

Check Also

Dragon Lady Amor Virata

Renta sa loob ng police detention cell, buking

Isumbong mokay DRAGON LADYni Amor Virata KAMAKAILAN, nabuking natin ang Pasay City Police na sa …

FIRING LINE ni Robert B. Roque, Jr.

Ang problema ng shortcuts

FIRING LINEni Robert B. Roque, Jr. ANG nakababahalang apela ni Secretary Benhur Abalos sa lahat …

AKSYON AGAD ni Almar Danguilan

Nakalilitong pasahe sa EDSA Bus Carousel, inaksiyonan na Guadiz

AKSYON AGADni Almar Danguilan DISYEMBRE 31, 2022, nagtapos ang maliligayang araw ng mga pasaherong suki …

Dragon Lady Amor Virata

Nasaan na ang listahan ng mga pulis at barangay na sangkot sa illegal drug trade?

Isumbong mokay DRAGON LADYni Amor Virata NOONG panahon ng administrasyon ni Pangulong Rodrigo Duterte, naging …

AKSYON AGAD ni Almar Danguilan

Pagsalubong sa 2023, generally peaceful — Gen. Torre III

AKSYON AGADni Almar Danguilan IYAN ang pahayag ni Quezon City Police District (QCPD) Director, Police …

Leave a Reply