NAGING espesyal ang taunang Christmas Party ng Kapuso radio (DZBB at Brgy. LSFM), RGMA, NewsTVsaDobolB last December 18 nang maghandog ng dalawang awitin si Mike Enriquez na sinuklian ng hiyawan at palakpakan mula sa mga taong naroon.
Nag-enjoy ang lahat sa games, surprises, at prizes at sa rami ng inumin, pagkain, at raffle. Naging espesyal na panauhin ang kauna-unahang Grand Winner ng The Clash na si Golden Canedo, kasama sina JBK, Ronnie Liang, Urban Flow, at Classy Girls.
Itinanghal namang Male K-Pop Idol si Luisito Santos ng DZBB at Female K Pop Idol si Maan Corpuz (Radio Monitoring). Nagbigay aliw din naman ang DZBB Hobbits na sina Mikko Sicat, Paolo Villegas, Glen Juego, Julie Ann Mae Cabrerra, JM De Guzman, at Carlo Dayto.
Ang radio, RGMA, at NewsTV sa Dobol B ay nagpapasalamat sa mga nag-issponsor tulad ng Eng. Nilda and Sir Bobby Tuazon ng CN Halimuyak Pilipinas, Sarah Javier, Lance Raymundo, Joel Cruz ng Aficionado Germany Perfume, Jojo Manto ng Royqueen, Albert and William ng UniSilver Time, Louie ng Erase Placenta atbp.. Hosted by DJ Papa JT, DJ Mama Emma, DJ Janna Chu Chu, at Tootie.
MATABIL
ni John Fontanilla
