Friday , January 27 2023

Deliryo ni Joma matindi — Palasyo

NASA matinding deliryo na si Communist Party of the Philippines (CPP) founding chairman Jose Ma. Sison.

Ito ang reaksiyon ng Palasyo sa pahayag ni Sison na si Pangulong Rodrigo Duterte ang numero unong recruiter ng CPP-NPA.

Sinabi ni Sison, dahil sa mga polisiya ni Pangu­long Duterte at sa mga utos niya sa militar na nagdudulot ng ibayong pagkagalit sa mga tao kaya sila nag-aaklas at sumasapi sa komunismo.

Ayon kay Presidential Spokesman Salvador Panelo, ang matagal nang pananatili sa ibang bansa ni Sison ay mas naglalayo sa kaniya sa realidad sa Filipinas.

Hindi na aniya makita ni Sison na ang paglu­luklok  sa poder ng ma­yor­­ya ng mga Filipino kay Duterte ay nagreresulta na ngayon sa mga positibong pagbabago sa pamamahala sa bansa.

Iginiit ni Panelo na patuloy na ginagawa ng pangulo ang kaniyang constitutional duty para pagsilbihan at pro­tek­tahan ang taongbayan laban sa korupsiyon, mga banta ng komunistang grupo, mga kriminal, at terorismo  at mga bigong ideolohiya tulad ng kay Sison.

Ipinamukha rin ni Panelo na si Sison ay nag­pa­pakasarap lamang sa buhay sa ibang bansa habang ang kaniyang mga kasamahan ay patuloy na naghihirap sa bundok sa armadong pakikibaka.

Hindi pa aniya huli ang lahat para magba­gong-buhay ang mga rebelde, bumalik sa kani­lang pamilya at mamu­hay nang normal.

Hangad aniya ng gobyerno ang maayos na buhay para kay Sison, at mabigyan siya ng kapa­ya­paan ng kalooban at kaliwanagan ng pag iisip.

(ROSE NOVENARIO)

About Rose Novenario

Check Also

SAF 44 National Day of Remembrance bulacan

Bulacan cops ginunita ang Fallen SAF 44 sa National Day of Remembrance

PARA sa National Day of Remembrance ng 44 na miyembro ng Special Action Force (SAF), …

Arrest Posas Handcuff

Puganteng rapist at kilabot na kawatan, timbog

Dalawang lalaki na kabilang sa most wanted person sa Bulacan ang magkasunod na naaresto sa …

dead gun

Ika-5 suspek sa pagpatay sa 2 pulis sa Mabalacat, Pampanga, patay sa shootout

ANG ikalimang  suspek at lider ng Flores group na pumatay sa dalawang anti-drug cops ng …

dead gun

Wanted patay sa engkuwentro

Patay ang  lalaking wanted sa kasong robbery nang manlaban sa mga awtoridad na aaresto sa …

Electricity Brownout

Sistema ng NAPOCOR, Paurong – HATAMAN

Dahil sa paulit-ulit na brownout sa Basilan at sa iba pang maliliit na isla sa …

Leave a Reply