HATAW! D'yaryo ng Bayan hatawtabloid.com
MAY kasabihan, ‘hindi ligtas ang kriminal’ kung nagbababad sa pinaglulunggaan.
Hindi naman natin sinasabing ‘kriminal’ agad si Department of Budget and Management (DBM) Secretary Benjamin Diokno — kasi nga pabalik-balik na lang siya diyan sa budget department.
Pero kung nasasangkot siya ngayon sa matinding isyu sa budget at kuwestiyonableng alokasyon na umaabot sa P75-bilyong pabor sa kanyang mga balae, e masasabi nating it’s a joke no more, Mr. Diokno.
Tsk tsk tsk…
Ilang panahon na naging Budget Secretary si Mr. ‘joke-no’ ‘este Diokno, ibig bang sabihin noon pa man ay may ganyan na siyang padron sa pagtupad ng tungkulin?!
Mantakin ninyo, ilang panahon na maraming naniwala na matinong opisyal ng gobyerno at tunay na technorat si Diokno ‘yun pala matagal nang nagmimilagro?!
Sonabagan!
Isiniwalat mismo ni Camarines Sur Rep. Rolando Andaya na si Diokno ang nasa likod ng P75-billion insertion sa 2019 national budget para paboran ang mga proyektong nakorner ng C.T. Leoncio Construction dahil sa relasyon ng may-ari nito sa in-laws ng kanyang anak.
Napakagalante naman pala nitong si Secretary joke-no ‘este Diokno. Ipinanggagalante ang pondo ng sambayanan para sa kanyang mga balae.
Pero sa benepisyo ng mga empleyado ng gobyerno napakaganit magdesisyon nitong si Diokno. Ultimo overtime pay ng government employees na pinaghirapan na nila ayaw pang ipagkaloob.
Nakapagtataka naman talaga kung bakit sa Sorsogon niya inilagay ang malaking budget gayong ang Marawi ang nangangailangan para sa mabilis na recovery.
E bakit nga ba?! Dahil nga ba sa kanyang mga balae?
At ang matindi rito, buking na buking na, lumulusot pa. Wala raw siyang alam sa mga plano ng kanyang balae dahil hindi nila ito pinag-uusapan ng kanyang anak.
Tell it to the marines, Mr. Secretary!
Sa kaso nitong si Diokno, gusto na tuloy nating maniwala na basta ‘panot’ masalimuot at mahilig magpalusot.
Anyway, umaasa tayo na hindi tatantanan ng Kamara ang mga palusot ni panot ‘este Diokno pala sa gagawin nilang imbestigasyon sa Enero 2019.
Wish lang natin na hindi sila mapalusutan ni panot ay mali na naman, Diokno pala.
Kay Secretary Diokno, isa lang ang masasabi natin, it’s a joke no more.
Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
BULABUGIN
ni Jerry Yap
