HATAW! D'yaryo ng Bayan hatawtabloid.com
Kahit may ilang tabloids na ang nagsara, dahil sa pagmamahal niya sa kanyang mga empleyado, editors at kolumnista at sa propesyon bilang media man, patuloy pa rin ninyong mababasa ang Hataw D’yaryo ng Bayan, No.1 sa balita. Ngayong taon ay hindi rin kinalimutan ni Boss JSY na pasayahin ang lahat.
Last Saturday, idinaos sa Fortune Mansion Seafood sa Maria Orosa St., Malate, Maynila ang yearly Christmas party ng aming mabait na bossing-friend (Sir Jerry) para sa lahat ng staff at reporters ng Hataw at Diyaryo Pinoy.
Alas-onse pa lang ng umaga ay punong-puno na ng tao ang Fortune Mansion Seafood na ini-enjoy ang masasarap na pagkain tulad ng most favorite ng nakararami na seafood at bumaha rin siyempre ng softdrinks na no limit.
And as expected ay naging pabulosa na naman si Sir Jerry sa kanyang mga pa-raffle na sandamakmak na iba’t ibang appliances at cash na sa sobrang dami ay nagkaroon pa ng second round. Lahat ng mga hindi nabunot sa second round ng nasabing raffle ay nagkamit ng libo-libong piso courtesy of Sir Jerry at mga generous din niyang mga anak na tulad ng kanilang daddy ay gustong mapasaya ang lahat.
Nagkaroon din ng pa-games tulad ng popular na larong jack en poy na ang itinanghal na winner ay nanalo ng total cash prize na P10,800.
Nagsilbing host ng event si Ms. Karla Orozco at co-host si Niño Aclan. Ramdam ng lahat ang pagmamahal ni Sir Jerry dahil galing sa puso niya ag layuning mapasaya ang lahat at walang uuwing luhaan sa kanyang party.
Mabuhay ka our loving Boss JSY.
VONGGANG CHIKA!
ni Peter Ledesma
