Wednesday , February 21 2024

Esports, isasali sa 2019 SEAG

KASAYSAYAN ang maiuukit sa nalalapit na 2019 Southeast Asian Games sa unang pagsalang ng electronic sports bilang regular ne medal sport.

Ito ang inianunsiyo ng Philippine Southeast Asian Games Organizing Committee (PHISGOC) sa pangunguna ni Chairman Allan Peter Cayetano sa ginanap na press briefing kahapon kasama ang opisyal na partner na Razer na leading gaming brand sa buong mun­do.

“The Philippines is the first host country to stage an esports tournament as a medal event,” ani Cayetano.

“This lends credence to professional gaming as a true world-class sporting contest, as it engages a new generation of gaming fans.”

Isa lamang ang Esports sa 56 sports na inaproban ng SEAG Federation Council na idaos ng Filipinas sa ika-30 edisyon ng biennial event sa Southeast Asia sa susunod na taon.

Bilang katuwang ng Filipi­nas at ng SEAG, nangako ng tulong ang Razer sa pag-organisa ng makasaysayang Esports na magiging kauna-unahang online gaming medal event sa world sporting history.

Ang Razer ay nangu­ngunang Esports promoter at gaming brand sa mundo at sumuporta sa 18 professional gaming teams mula sa 25 iba’t ibang bansa.

Siniguro rin nila ang suporta sa Philippine team bilang host country.

Upang mapili ang kakatawan sa Philippine team ay magsasagawa ang Philippine Esports Ad Hoc Committee ng nationwide qualifiers na ang lahat ng Pinoy na amateur at professional gamers ay maaa­ring lumahok.

Sa ngayon, wala pang partikular na online gaming ang natukoy ng PHISGOC ngunit inianunsiyo ang anim na kategorya na bubuuin ng 2 per­sonal computer games, 2 mobile games at 2 console games.

Nitong Agosto sa 18th Asian Games ay matatandaang ipinakilala ng Indonesia ang Esports bilang demonstration sport at hindi regular na medal event. (JBU)

About John Bryan Ulanday

Check Also

NCAA Season 99 Juniors Basketball Tournament

NCAA Juniors Basketball Tournament simula na 

RATED Rni Rommel Gonzales PATULOY ang aksiyon sa NCAA Season 99 dahil umpisa na ang bakbakan sa NCAA …

Christian Mark Daluz Chess

Sa Antonio “Bolok” Memorial Open Rapid Chess Tournament
FM DALUZ WINALIS MGA KATUNGGALI

MARIKINA CITY — Napanatili ni FIDE Master (FM) Christian Mark Daluz ang mainit na simula …

Niño Alcantara Tennis

Naging Number One Doubles Player sa Pilipinas  
NIÑO ALCANTARA UMAKYAT MULA 176 HANGGANG 169 SA ATP RANKINGS

SI NIÑO Alcantara, ang sumisikat na tennis star mula sa Pilipinas, ay patuloy na gumagawa …

Surigao Diamond Knights ACAPI Chess

Surigao Diamond Knights: Ready, excited na maglaro sa ACAPI tourney

MANILA—Sabi ng beteranong woodpusher na si Lennon Hart Salgados na team captain ng Surigao Diamond …

Jethro Dino Cordero Aquino Chess

Nakakakuha ng 1st IM norm at outright FIDE Master title  
INCOMING LA SALLE STUDENT NAKISALO SA IKA-5 PUWESTO SA INDIA CHESS TILT

Panghuling standing: (10 round Swiss System) 8.0 puntos–GM Sayantan Das (India) 7.5 puntos—GM  Diptayan Ghosh(India), …

Leave a Reply

Your email address will not be published. Required fields are marked *