Sunday , May 19 2024

STL sa Cagayan, buhos ang ayuda sa mga biktima ng kalamidad

SIMULA nang paramihin at palawakin ng Philippine Charity Sweepstakes Office (PCSO) ang operasyon ng Small Town Lottery (STL) noong Oktubre 2016 hanggang ngayon, malaki na ang naging ambag ng naturang palaro sa kaban ng bayan upang magamit ng gobyerno para sa mga programang pangkalusugan at serbisyong kawanggawa sa mamamayang Filipino.
Sa ngayon, ang mga Authorized STL Agents (ASA) ay nagsusumikap na rin maibalik sa mamamayan ang biyayang kanilang natatamasa sa pamamagitan ng medical and dental mission, relief operations at pati pamimigay ng mga kagamitan sa mga pampublikong ahensiya at pribadong organisasyon gaya ng ambulansiya at kagamitang-medikal at pati medisina para sa mamamayan. Libre po ang lahat na ibinibigay ng mga ASA sa mamamayan kung saan sila nagpapalaro ng STL.
Isang halimbawa ang patuloy na pag-ayuda ng Charity Games of Chance (CGC) sa mga nasalantang mamamayan sa Cagayan. Ito ay sa gitna ng hindi magandang balita sa nag-isyu ng Notice of Termination ang PCSO laban sa kanila na daraan pa naman sa tamang proseso. Ang terminasyon ay bunsod ng tinatawag na “shortfall” sa ingreso mula sa kita ng STL.
Bagaman ito ang kinakaharap ng CGC, patuloy pa rin ang ginagawang kawanggawa ng korporasyon sa mga nangangailangan nating kababayan sa Cagayan.
Kaya nitong darating na Miyerkoles at Huwebes, maghahatid ang CGC katuwang Anakalusugan ng relief goods sa 4,000 pamilya sa mga bayan ng Lasam, Sta. Teresita at Sta. Ana, ilan lamang na bayan na binayo ng nakaraang bagyong Ompong.
Binalikat ng CGC ang tig-5 kilo ng bigas sa bawat pamilya habang ang Anakalusugan naman ay mga can goods at medisina.
Ang mainam dito ay katuwang ang PCSO-Cagayan Branch Office sa liderato ni Manager Heherson Pambid kasama sina Isabela Branch Manager Yamshita Japinan at Nueva Vizcaya Branch Manager Byron Joseph Bumanglag.
Nakiisa din sa relief mission ang mga ASA gaya ng Mountain View Games of Chance Corp., ng Apayao at Kalinga, Fair Ways Management and Gaming Corp., ng Santiago City, AVM Gaming and Amusement Corp., ng Quirino, KING’S 810 Gaming Corp., ng Nueva Vizcaya, at Sahara Games and Amusement Philippines Corp. ng Isabela.
Muling magkakaisa ang mga nabanggit n organisasyon para sa paghahatid ng relief goods sa mga mamamayan ng Apayao sa pangunguna ng Anakalusugan.
Sa pagkakataong ito, muling umayada ng 1,000 na sako ng bigas ang CGC.
Sa panahon ni retired Philippine Marine general Alexander Balutan, kasalukuyang general manager ng PCSO, iba na ang itinatakbo ng palarong STL sa bansa na dati-rati’y kontrolado ng mga talamak na gambling lord sampu ng mga kasabwat nila sa gobyerno.

BAGO ‘TO!
ni Florante Solmerin

About Florante Solmerin

Check Also

Sipat Mat Vicencio

Tiyak na sibak si Sen. Bato sa eleksiyon

SIPATni Mat Vicencio NAGKAKAMALI si Sen. Ronald “Bato” dela Rosa kung inaakalang manananalo pa siya …

YANIG ni Bong Ramos

Total ban sa sigarilyo, vape atbp nakapipinsalang produkto iminungkahi

YANIGni Bong Ramos IMINUNGKAHI kamakailan ng magkapatid na Senador Pia Cayetano at Senador Alan Peter …

Dragon Lady Amor Virata

Korek na korek Senador Bong Go

Isumbong mokay DRAGON LADYni Amor Virata KAMAKAILAN sa Senado, tinalakay ni Senator Bong Go ang …

YANIG ni Bong Ramos

Umarangkada na
Mga kandidato para sa 2025 local & national elections maagang sinimulan pang-uuto sa publiko

YANIGni Bong Ramos BAGAMA’T isang taon pa ang nakatakdang local & national elections, maagang sinimulan …

FIRING LINE ni Robert B. Roque, Jr.

Ang paliit nang paliit na mundo ni Quiboloy

FIRING LINEni Robert B. Roque, Jr. HINDI ko alam kung alin-alin sa mga nagiging desisyon …

Leave a Reply

Your email address will not be published. Required fields are marked *