Wednesday , May 29 2024
Bulabugin ni Jerry Yap
Bulabugin ni Jerry Yap

Secretary Harry Roque ‘nagtampo ba’ sa karinyo-brutal ni Pangulong Digong?

DALAWANG beses nasopla nitong nakaraang linggo si Secretary Harry Roque.

Una nang panindigan niya na hindi nagpunta sa doktor o ospital si Pangulong Rodrigo Duterte pero pagkaraan ay umamin ang mismong Pangulo na galing nga siya sa ospital dahil kailangan siyang isalang sa endoscopy.

Ikalawa, nang tahasang sabihin ng Pangulo na ‘walang kapana-panalo’ si Roque sa Senado dahil ayaw sa kanya ng mga sundalo.

Aba, daig pa ang sinampal sa mukha ni Secretary Roque, pero sabi nga niya, ‘yung sinabi umano ng Pangulo, “typical Duterte” daw ‘yun — ganoon daw ang karinyo brutal ng Pangulo.

Sabi ng Pangulo, “Ayan sila si Roque, gusto mag-senador. Sabi ko, ‘Tama ka na. T*** i** diyan. Standby ka. Bigyan kita ibang trabaho. Hindi ka manalo diyan.’ ‘Bakit?’ ‘A ‘yung mga sundalo ayaw sa iyo.’”

Sinabi mismo ‘yan ng Pangulo sa Philippine Military Academy alumni sa Malacañang.

Pero ayon kay Roque, gusto raw muna niyang magpahinga at pag-iisipan ang alok ng Pangulo dahil ang sinasabing posisyon ay wala pa.

Kaya sabi ni Secretary Harry, “While there was no categorical agreement on what to do, I did say I will consider it and I wanted the weekend to think it over.”

Kasabay nito, inupakan niya ang Senate race sa bansa na tila isang popular contest, ‘yung “old and familiar names” ang laging nananalo sa eleksiyon.

Sinabi rin niya na mukhang hindi na naba­bagay sa kanya ang maging Presidential spokes­person matapos ang insidente na tila siya ay ‘naiwan sa dilim’ nag hindi sinabi sa kanya ang tunay na kalagayan ng kalusugan ng Pangulo.

Lumabas nga naman tuloy na nagsi­nu­ngaling siya sa tunay na kalagayan ng Pangulo.

“In my decision on whether not to run, to accept whatever the Office of the President may have, I will consider the fact that in this capacity as spokesperson, I must know every­thing about the president,” pahayag ni Roque.

“I do concede that his going to the diagnostic exam was something I did not know and therefore, I’m inclined to believe that perhaps I’m not in a position to continue with this current function.”

Ang sakit!

Ramdam natin ang pahayag ni Secretary Roque.

Pinakamahirap talagang matsubibo. At dahil si Roque ay isang taong marunong manindigan, mukhang hindi na rin niya kayang magbalik bilang spokesperson ng Pangulo dahil nagmukha nga siyang sinungaling.

Tsk tsk tsk…

What’s next?!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Dragon Lady Amor Virata

Hindi lahat ng huwes ay matino

Isumbong mokay DRAGON LADYni Amor Virata SA HALIP na magkaloob ng hustisya at protektahan ang …

Sipat Mat Vicencio

Tigas ng mukha ni Senator Bato

SIPATni Mat Vicencio “TO Bato dela Rosa, who stuck it out with me to the …

00 Onins Thought Niño Aclan Logo

Cyberlibel vs Tony Leachon ‘resulta’ ng iresponsableng  pahayag sa social media

ONIN’s THOUGHTSni Niño Aclan MAHIRAP talagang masanay na isang social media icon lalo na kung …

YANIG ni Bong Ramos

Former PDEA agent Jonathan Morales, walang masustansiyang sinabi sa Senate hearing, nuknukan ng sinungaling

YANIGni Bong Ramos WALANG NAPALA, walang nahita at walang nakuhang konkreto ang Senado sa mga …

FIRING LINE ni Robert B. Roque, Jr.

Day care centers para sa matatanda

FIRING LINEni Robert B. Roque, Jr. WALA sa kultura ng mga Filipino ang paglalagak sa …

Leave a Reply

Your email address will not be published. Required fields are marked *