HATAW! D'yaryo ng Bayan hatawtabloid.com
SOBRANG thankful si Klinton Start dahil bahagi siya ng mga kabataang social media personality na tampok sa bagong TV show sa Net25 na Bee Happy, Go Lucky. Ito ay isang variety show na mula sa Social Media Artist and Celebrities (SMAC) Television Production.
Ang Bee Happy, Go Lucky ay nagsimula nang mapanood last Sunday evening at bahagi rin ng show sina Kikay Mikay, Rayantha Leigh, Isaiah Tiglao, Ron Mclean, VMiguel Gonzales, JB Paguio, Leslie Angela at Rish Ramos.
Ipinahayag ni Klinton ang na-feel niya nang napasali sa nasabing show.
“Masaya po and thankful kasi isa po ako sa mga nabigyan ng privilege para mai-showcase ‘yung talent at iba ko pa pong abilities sa show na Bee Happy Go Lucky,” esplika niya.
Saad ni Klinton, “Isa po itong exciting na challenge para sa akin lalo na po, this is my first time to work in a show na ipapalabas po sa TV.”
Idinagdag ni Klinton na excited siya sa kanilang TV show. “Yes, excited po ako at lalong excited po ang mga taong sumusuporta sa akin,” nakangiting sambit ng binatilyong astig sa dance floor.
Paano ang ginawa niyang preparations para sa kanilang show? Tugon ni Klinton, “Every week po may rehearsal kami at sa rehearsal namin, doon po ako nagpa-practice either dancing, singing, or hosting in preparation for the taping ng Bee Happy Go Lucky show po.”
Bukod sa Bee Happy, Go Lucky, napapanood din every Sunday ang dalawa pang TV show ng SMAC, ito ang The Prodigal Prince (7:00-7:30 pm) na isang fictional teleserye na mala-Koreanovela pero may touch ng pagka-Pinoy at Galing Ng Pinoy (7:30-8:00pm.) na isang reality game show naman.
ALAM MO NA!
ni Nonie Nicasio
