Manganti armas ng Adamson U
Sean Manganti Adamson University Soaring Falcons
MALINIS pa rin ang karta ng Adamson University Soaring Falcons, nasa ibabaw pa rin sila ng team standings kapit ang 5-0 karta.
Tumayog ang lipad ng Falcons nang kalusin nila ang National University, 63-58.
Sa mga panalo ng Adamson U may isang player ang naging pangunahing instrument, ito’y si Sean Manganti na naging bayani sa 69-68 panalo kontra University of the Philippines nakaraan.
Muntik mamantsahan ang baraha ng Falcons subalit sinalba sila ng third-year forward Manganti matapos isalpak ang game-winning floater may 0.7 segundo na lang sa orasan laban sa Fighting Maroons.
“It was just a scramble at that point. I was taught to never quit until you hear the buzzer, so I just kept going until we heard the buzzer,” wika ni Manganti.
Makalipas ang tatlong araw, muling kumi nang si Manganti kontra NU Bulldogs, nagtala ng 14 points, apat na assists at tatlong rebounds.
Dahil sa ipinakitang performance ni Filipino-American high-flyer Manganti, hinirang siyang CHOOKS-TO-GO/UAAP Press Corps Player of the Week. (ARABELA PRINCESS DAWA)
