Thursday , October 28 2021

Cardinals pinagulong ng Pirates

DIRETSO ang last year’s runner-up Lyceum of the Philippines Pirates sa kanilang pamama­yagpag matapos itaob ang naghihingalong Mapua University Cardinals, 92-76 sa 94th NCAA basketball tournament sa FilOil Flying V Center sa San Juan City.

Umarangkada sa second quarter ang Pirates upang hawakan ang 20-point lead, 53-32 sa halftime at hindi na lumingon sa likuran hanggang sa matapos ang laban.

Nagtala si reigning Most Valuable Player (MVP) CJ Perez ng 20 points upang ilista ang 14-1 karta ng Intramuros-based squad Lyceum at ipalasap sa kanilang kapit-bahay na Cardinals ang pang 11 talo sa 15 laro.

Samantala, kahit wala nang pag-asa sa semifinals, ipinakita pa rin ng Emilio Aguinaldo College Generals ang kanilang tikas.

Lumaban nang sabayan ang Generals upang sikwatin ang 78-70 panalo laban sa Arellano University Chiefs sa unang salang.

Kumana si Jerome Garcia ng game-high 25 points, anim na rebounds at limang assists habang nilista ni JP Magullano ang double-double na 15 puntos at 10 boards para sa Generals na kinalawit ang pangalawang sunod na panalo.

May 4-12 card ang EAC at para kay coach Ariel Sison kailangan nilang ibuhos ang kanilang lakas sa natitirang laban.

“We want to finish the season strong,” saad ni Sison. “The good thing now is that were showing teamwork and I can see the desire in the players.”

(ARABELA PRINCESS DAWA)

About Arabela Princess Dawa

Check Also

PSC Rise Up Shape Up

Sports Officiating sa PSC Rise Up Shape Up tinalakay

TINALAKAY  ng Philippine Sports Commission (PSC) ang tungkol sa Filipino International sports officials sa webisode …

Ben Simmons

Ben Simmons hindi pa handang maglaro sa Sixers

AMDEN, N.J. — Napasama si Ben Simmons sa shootaround ng  Philadelphia 76ers teammates nung biyernes …

Anthony Davis, Dwight Howard, LA Lakers, NBA

Howard umaming nakabulyawan si AD

NAGING malaking balita sa social media ang naging sigawan nina Anthony Davis at Dwight Howard sa …

Vietnam SEA Games

Vietnam SEA Games tuloy sa Mayo 2022

PAGKARAANG ma-postponed ang Vietnam SEA Games na mangya­yari sana mula 21 Nobyem­bre hanggang 2 Disyembre ng  …

James Yap, CoC, San Juan, Francis Zamora

James sinabon agad ng netizens (Sa pag-file pa lang ng COC)

FACT SHEETni Reggee Bonoan GRABE, ngayong Oktubre 5 pa lang magpa-file ng Certificate of Candidacy …

Leave a Reply