SITSIT ng aming kausap sa ABS-CBN, iiwasan na nilang bumili ng reality/game show program dahil kaya naman gumawa ng original concept.
“Ang mahal kasi ng franchise, puwede namang bumuo, kaya naman ng Dos, eh. Magagaling naman ang think tank ng bawat unit. Kung ano na lang ‘yung existing ‘yun na lang ang ie-ere sa bawat season kasi may contract ‘yun.”
Pero ‘yung mga Asianovelas/Koreanovelas ay tuloy-tuloy pa rin.
Ang ilan sa reality/game shows na may existing contract pa ay ang The Voice of the Philippines, I Can See Your Voice, Pinoy Big Brother, Pilipinas Got Talent at hindi lang namin alam kung ire-renew ang Kapamilya, Deal or No Deal.
Ang The Kids Choice ay original concept na halos isang taong binuo at kapag nag-click ay posibleng magkaroon ng susunod na season.
FACT SHEET
ni Reggee Bonoan
