HATAW! D'yaryo ng Bayan hatawtabloid.com
“YES, I’m single,” ito ang pagkompirma ni Cavite Vice Governor Jolo Revilla. Matatandaang ilang buwan ng nabalitang hiwalay sila ni Jodi Sta. Maria pero walang pag-amin mula sa kanilang dalawa.
Kahapon sa solo presscon ni Jolo sa Annabels Restaurant para sa pelikulang Tres na pagbibidahan nilang magkakapatid na sina Bryan at Luigi Revilla ay binasag na ng politikong aktor ang pananahimik niya.
“As much as possible kasi I’d like to remain private, ‘yung private life ko. Ibalato n’yo na sa akin ‘yun. Basta malaki ang respeto ko sa kanya (Jodi) at sa pamilya niya,” ito ang paliwanag ni Jolo.
Pero hindi pa rin siya tinantanan at tinanong namin kung ilang buwan ng hiwalay sina Jolo at Jodi pero hinawakan kami sa kamay ng una at sabay sabing, ”okay na ‘yun.”
Inamin din ni Jolo na hindi pa niya sinubukang magmahal ng iba simula nang magkahiwalay sila ni Jodi at aminadong hanggang ngayon ay mahal pa rin niya ang aktres, ”Kasi hindi naman nawawala kaagad ‘yun,” tipid na sabi ng politikong aktor.
Nabanggit din ni Jolo na malaki ang nagawa ni Jodi sa kanya, ”basta all I can say is that, she brought out the best in me. Wala na akong masasabi.”
Natanong din kung isa sa dahilan ng paghihiwalay ay ang hindi natapos-tapos na annulment nina Jodi at Pampi Lacson.
Pero nakiusap si Jolo, ”puwede huwag na natin siyang pag-usapan, please iba na lang. Kasi ayokong lumabas na ginagamit ko, please.”
Hindi naitanggi ni Jolo na hindi sila nagkakausap ni Jodi simula pa noong naghiwalay sila na hindi binanggit kung ilang buwan na kaya naman sa tanong kung okay sila ng bida ng Sana Dalawa ang Puso, ”I hope so,” kaswal nitong sabi.
FACT SHEET
ni Reggee Bonoan
