Thursday , December 8 2022
Coco Martin Alden Richards
Coco Martin Alden Richards

Pagtapat ng serye ni Alden kay Coco, ‘ambisyoso’

DALAWA ANG konotasyon ng salitang “ambisyoso.” Ang isa’y positibo na ang ibig sabihi’y nangangarap na may effort namang ginagawa. Ang isa nama’y pag-iilusyon o pagnanais na makamit ang isang bagay na malayong mangyari.

Saan kaya babagsak ang bumubuo ng production team ng bagong fantaserye ni Alden Richards sa GMA (ipagpaumanhin n’yong pangalan lang ng bida ang aming babanggitin, hindi ang pamagat. The same applies sa katapat nitong teleserye sa ABS-CBN for the simple reason na wala naman kaming PR commitment sa alinman sa dalawa).

Ang tagal sa pag-ere ng makakabanggang palabas ni Alden—‘yung kay Coco Martin—ay patunay lang ng sobrang lakas nito kung viewership o audience share ang sukatan.

Ilang taon na nga bang umaariba sa TV ang kay Coco, may tatlong taon na nga ba? And still counting.

Ito ang teleseryeng halos pagsawaan na ng mga manonood. Hindi kasi mamatay-matay ang bida laban sa mga sanrekwang nagtangka na sa buhay ni Cardo.

Ilan na ring mga retirado nang artista ang binuhay ang career ng teleseryeng ito. Hindi kami magtataka kung pati ang mga ayaw nang mag-artista ay akukin ng papel doon.

Mahirap na kung tutuusin na buwagin pa ang kay Coco, pero may isang matapang na nanghas na tapatan ito. ‘Yun ngang kay Alden.

Ang magkaibang kahulugan ng salitang “ambisyoso” ay angkop sa hakbang ng GMA sa layuning igupo si Cardo.

Pero isang malaki’t nagsusumigaw na “Good luck!” ang mensahe namin para kay Alden at sa buong produksiyon.

Walang dudang ginastusan, pinaganda, at pinatindi ang mga maaaksiyong tagpo sa palabas ni Alden. Pero ang bentahe ng gusto nitong banggain has Coco Martin as the head of the creative team.

Iba kung ang bida’y sumasawsaw din sa creative aspect ng nilalabasan niyang programa. Ito ang kulang sa proyekto ni Alden, ewan kung may sey din siya sa pag-atake sa kuwento.

To top it all, between Coco and Alden, tanggapin natin ang katotohanang “malambot” ang huli palibhasa’y matinee idol, samantalang brusko ang dating ni Coco.

Natural, umaasa ang GMA na naka-jackpot sila. Which is totoo naman.

Pero dahil napili ng estasyon na itapat ito sa teleseryeng habambuhay na yatang eere, baka hindi sila “tiba-tiba” kundi “giba-giba” ang kalabasan nito sa ratings.

Huwag naman sana.

HOT, AW!
ni Ronnie Carrasco III

About Ronnie Carrasco III

Check Also

Vhong Navarro

P1-M piyansa ni Vhong pinayagan ng korte

PINAHINTULUTANG makapaglagak ng piyansa ang aktor at TV host na si Vhong Navarro para sa …

Tuesday Vargas

Tuesday ‘nabastos’ ng dalawang baguhan

MA at PAni Rommel Placente NAG-POST ang komedyanteng si Tuesday Vargas sa kanyang Instagram account tungkol sa naranasan niya …

Daniel Padilla Paolo Ortiz

Rey Paulo Ortiz Daniel Padilla in the making

MASAYANG-MASAYA si Rey Paolo Ortiz sa pagkakatanghal sa kanya bilang 2022 Prince Tourism Ambassador Universe kamakailan na isinagawa ang …

Carla Abellana Tom Rodriguez Rey PJ Abellana

PJ at Carla ‘di pa nagkaka-usap  simula nang magkaproblema

COOL JOE!ni Joe Barrameda NAPANOOD namin noong Miyerkoles ng gabi ang magkapatid na PJ Abellana at Jojo Abellana para …

Jane de Leon

Jane na-dengue at nagka-UTI

MA at PAni Rommel Placente HUMINGI ng paumanhin si Jane de Leon sa lahat ng kanyang mga …

Leave a Reply