MATAGAL nang usap-usapan ang relasyon ng isang sikat na female personality at ng isang may-edad na pero papable pa ring atleta.
Ang siste, bagama’t walang sabit ang girlalu, may dyowa naman ang hombre na mahina na lang ang radar kung hindi pa natutunugan ang pagtataksil ng kanyang esposo. Ang punchline nga, si girl pa ang may I- spend ng mga biyahe nila abroad.
Ang kuwento, nasa balag ng alanganin ang girl dahil sa kung anong kasong may kinalaman sa politika. Pero mautak ang mga taong nakapalibot sa kanya para protektahan siya.
Ang tsika, isang tauhan niya ang pumiktyur sa isang bonggang out-of-town treat, “Mga dalawang dosena yata ang isinama nila sa outing na ‘yon na ginastusan nila ‘yung mga utaw na nag-iimbestiga laban sa lola mo!”
Dagdag pa ng aming source, “Eh, puwede ba namang wala roon ang lola mo at ‘yung dyowa niyang atleta? Siyempre, nandoon din sila, ‘no! Kaso sa isang tagong kuwarto sila nag-stay, as in ewan ko nga lang kung nag-stay lang sila roon, ha? Baka naglaro sila ng sungka…sungka raw, o!”
Da who ang sikat na female personality na itey? Itago na lang natin siya sa alyas na Mequeni Marubdob.
(Ronnie Carrasco III)
