Thursday , December 1 2022

Marion Aunor, kakaiba ang talento sa musika!

FIRST time pa lang naming narinig ang kantang Akala ni Marion Aunor, nagandahan na agad kami rito. Ito bale ang theme song ng pelikulang The Day After Valentines at minsan pang pinatunayan ni Marion ang kanyang talento sa musika sa pamamagitan ng nasabing kanta.

Abala ngayon ang talented na anak ng dating 70’s teenstar na si Ms. Lala Aunor sa promo/mall shows ng The Day After Valentines. Ang naturang pelikula na tinatampukan nina Bela Padilla at JC Santos ay entry sa darating na Pista ng Pelikulang Pilipino (PPP) ng Film Development Council of the Philippines (FDCP) na pina­mumunuan ni Ms. Liza Diño. Ang PPP ay mapapanood mula August 15-21 sa lahat ng sinehan, nationwide.

Ayon kay Marion, dapat ay ilalabas niya ang kantang ito bilang bahagi ng kanyang EP. “Plano ko talaga (siya) na ilabas as EP (Extended Play) or like ‘yung mini-album, this year. Kaya lang nagustuhan nila Boss Vic (del Rosario), so ipinagamit doon sa movie nina Direk Jason Paul (Laxamana), Bela Padilla, at JC Santos,” wika ni Marion.

Unlike nang ginawa niyang movie theme song tulad ng Ang Pambansang Thirdwheel na pinanood muna ni Marion ang movie bago ginawan ng kanta, ang Akala ay gawa na raw talaga bago naging theme song.

“Ito gawa na talaga, tapos parang inilapat ko lang ito, tapos nagustuhan ng direktor, si Direk Jason Paul Laxamana.”

Nabanggit ni Marion na excited siya sa music video nito. ”Very excited ako dahil may lalabas na music video, na-shoot na po namin last week. Para ma-introduce talaga, ma-launch talaga as theme song itong Akala,” esplika ng astig na singer/songwriter.

Anong dapat asahan ng fans mo sa iyo? “Ngayon, marami akong sinusulat for… sa sarili ko and sa other artists, so abangan ninyo ‘yung album ko, abangan n’yo ‘yung The Day After Valentines na ‘yung theme song nga, ako ang sumulat at kumanta. Then, mayroon din akong isinulat for another artist, si Nicole, from Viva siya.

“Iyong, theme song ng movie na Jacqueline Comes Home, ako rin po ang nagsulat, pero ‘di po ako ang kumanta. Ang name ng song, May Liwanag sa Dilim. Bale ‘yung song, dapat ibibigay ko kay Ms. Regine Velasquez. Kaya lang natapos na po ‘yung album niya, kaya ayun, hinana­pan namin ng ibang puwedeng lagyan na movie. Sumakto na­man po sa Jacqueline Comes Home,” aniya.

ALAM MO NA!
ni Nonie Nicasio

About Nonie Nicasio

Check Also

Michelle Aldana

Michelle Aldana balik-South Africa na

I-FLEXni Jun Nardo BUMALIK na sa South Africa ang beauty queen-turned actress na si Michelle Aldana at …

Andrea Torres Rabiya Mateo Max Collins

Andrea, Rabiya, at Max umaariba ang career kahit sawi ang mga lovelife 

I-FLEXni Jun Nardo PUSONG-SAWI man pagdating sa kanya-kanyang lovelife, umaaribang career naman ang isinukli sa …

Blind Item, Men

Pipitsuging gay talent manager inilalako alaga sa mayayamang bading

ni Ed de Leon ANG totoo, hindi naman sa nakikialam kami sa raket ng iba, …

Julie Anne San Jose Rayver Cruz

Rayver at Julie Anne umamin na

MA at PAni Rommel Placente SO, talagang may relasyon na sina Julie Anne San Jose at Rayver Cruz, …

Francesca Flores

Baguhang si Francesa totodo sa paghuhubad

MATABILni John Fontanilla ANG paghuhubad ang ginagawang stepping stone para makilala at sumikat ni Francesca Flores. …

Leave a Reply