Jackie Dayoha, producer ng 2 concerts ni Jessica Sanchez sa Filipinas

MARAMI nang naiprodyus na concert si Jackie Dayoha, sa loob at labas ng bansa. Si Ms. Jackie ay isang talent manager at events and concert producer na naka-base na ngayon sa Ame­rika.

Bago matapos ang taon ay may malaki siyang pasabog dahil dalawang mala­king con­certs ang ipinro­dyus ni Ms. Jackie. Ang kila­lang inter­national singer na si Jessica Sa0­nchez ang main artist niya rito.

Gaganapin ang dalawang big events na ito sa November 30, 2018 sa Water­front Hotel sa Cebu. Ang isa naman ay sa SMX Con­vention Center sa Davao sa December 22, 2018. Ang con­cert ay pina­ma­ga­tang  Jes­sica San­chez, Ame­rican Idol Live in Cebu/Davao at special guest dito ang mga Pinoy na hataw din sa kantahan na sina Bugoy Drilon at Daryl Ong.

Host ng naturang events si LM Mercado, samantala, ang batikan at award winning direct­­or namang si Louie Ignacio ang magdidirek nito.

Ito ay hatid ng RJD Pro­duc­tions na pag-aari ni Ms. Jackie.

Nang inusisa namin si Ms. Jackie kung bakit si Jessica ang kinuha niya para mag-concert sa Filipinas, ito ang tugon niya sa amin: “Kasi siyempre magaling si Jessica Sanchez, American Idol iyan, e. At sikat siya all over the world and kilala talaga si Jessica, lalo na sa ating bansa.”

Congrats sa iyo Ms. Jackie at sa iyong RJD Productions.

ALAM MO NA!
ni Nonie Nicasio