Wednesday , December 7 2022

Tonz Are, tiyaga at pagsisikap ang sikreto sa tagumpay

TIYAGA at pagsisikap. Ito ang dala-dala ni Tonz Are, isang matagumpay na indie actor, para maabot ang pangarap at mapunta sa kasalukuyang kinatatayuan ngayon sa buhay.

Mula noon hanggang ngayon, sipag pa rin ang dala-dala ni Tonz kahit kinilala na ang galing niya sa pag-arte.

Nagsimula bilang theater actor si Tonz na napunta sa paggawa ng mga indie films.

Ani Tonz, bata pa lang siya’y hilig na niya ang umarte, kaya sa kanilang paaralan ay sumasali siya sa teatro.

Mula rito, sumabak siya sa pagmomodelo at pagkaraan ay nasabak sa pag-arte sa indie film na Magkukulob noong 2010 ni Direk Ron Sapinoso.

Tubong Koronadal City si Tonz na marami-rami nang indie movie ang nagawa tulad ng Night Shift, Notbuk, Silangan, Nanay Krisanta, Sitio Dolorosa, Panaginip, Play Ground, Makata, Udyok, Lamat, at iba pa.

Mula rito ay nagtuloy-tuloy na siya sa pagiging alagad ng sining. Bukod sa pelikula, lumalabas din ngayon si Tonz sa telebisyon at teatro.

Madalas siyang mapanood sa mga episode ng The 700 Club Asia ng  GMA-7.

Kinilala na rin ang husay ni Tonz bilang actor dahil itinanghal siyang Best Actor sa Film Act Festival noong 2013 para sa pelikulang Magkaibigan. Best Actor din siya sa Theatro Expedition de Filipinas.

At noong 2015, muli siyang nanalong Best Actor sa teatro at pinarangalan din sa Golden Choice Award 2017 bilang Tagahabi ng Sining at Pelikula.

Ilang ulit din siyang naging nominado para sa Inding-Indie Film Festival at nakuha niya ang Best Actor award noong 2017 sa Fourth Inding-Indie Film Festival para sa pelikulang Init.

Nasungkit muli niya ang Best Actor award noong isang taon sa Gawad Sining Film Festival para sa pelikulang Maranhig ni Direk Marvin Gabas.

Sa ngayon, maraming proyekto ang dapat abangan kay Tonz. “Abangan po nila ako sa ‘Rendezvous’ na idinirehe ni Marvin Gabas under Knight Vision Production.

“Executive producer po rito si Enouch Cruz at kasama ko sina Ms. Gina Pareño, Patani Daño, Jiana Arigue, at iba pa.”

Kuwento pa ni Tonz, ang screening ng Rendezvous ay sa July 28 sa SM Aura, BGC at sa Aug. 11, naman sa SM Trece Martirez, Cavite.

Bukod dito, kasama rin si Tonz sa  Onna na idinirehe nina Joel Mendoza at Bong Bordones.

“Iyong ‘Onna’ po, Japanese word na ang kahulugan ay babae.”

Isang horror movie ang Onna at ginagampanan niya ang role ni Rione, kapatid ni Onna na ginagampanan ni Kristine Mangle.

Kasama rin siya sa Agulu with Janice Jurado na gumaganap na nanay niya sa pelikula. Kasama rin dito sina Kristofer King, Pamela Ortiz, Amaya Vibal, at iba pa.

“Sobrang happy ako na naging nanay ko sa pelikula si Janice, isang karangalan ang makaeksena ko ang saing veteran actress na tulad niya,” sambit ni Tonz.

Kuwento pa ni Tonz, ang Agulu ay entry sa Toronto Film Festival sa Canada at ito’y pinamahalaan ni Reyno Oposa.

“Sobrang ganda ng istorya nito (Agulu) at ang daming aral po na mapupulot, lalo sa kabataan dahil ukol po ito sa droga,” sambit niya nang makausap namin sa isang hapunan.

Bukod sa pag-arte, nagbibigay din ng libreng acting workshop si Tonz. Kabilang sa mga kabataang tinutulungan niya sina Aerozekiel C. Tan, Aerika Faith C. Tan, Chaz T. Feliciano, Princess Fiona T. Concepcion, Reign Joy Lim, at Hannah Reign Lim.

Mayroon ding negosyo ang actor, isang tapsilogan at perfume.

Nagma-manage rin siya ng artista at una niyang talent ang sariling kapatid, si Celso Are na tulad niya ay mahilig din sa pag-arte.

Pangarap ni Tonz na makatanggap ng international award at magkaroon ng teleserye.

Gusto naman niyang makatrabaho sina Angel Locsin at John Lloyd Cruz.

SHOWBIZ KONEK
ni Maricris Valdez Nicasio

About Maricris Valdez Nicasio

Check Also

Vhong Navarro

P1-M piyansa ni Vhong pinayagan ng korte

PINAHINTULUTANG makapaglagak ng piyansa ang aktor at TV host na si Vhong Navarro para sa …

Tuesday Vargas

Tuesday ‘nabastos’ ng dalawang baguhan

MA at PAni Rommel Placente NAG-POST ang komedyanteng si Tuesday Vargas sa kanyang Instagram account tungkol sa naranasan niya …

Daniel Padilla Paolo Ortiz

Rey Paulo Ortiz Daniel Padilla in the making

MASAYANG-MASAYA si Rey Paolo Ortiz sa pagkakatanghal sa kanya bilang 2022 Prince Tourism Ambassador Universe kamakailan na isinagawa ang …

Carla Abellana Tom Rodriguez Rey PJ Abellana

PJ at Carla ‘di pa nagkaka-usap  simula nang magkaproblema

COOL JOE!ni Joe Barrameda NAPANOOD namin noong Miyerkoles ng gabi ang magkapatid na PJ Abellana at Jojo Abellana para …

Jane de Leon

Jane na-dengue at nagka-UTI

MA at PAni Rommel Placente HUMINGI ng paumanhin si Jane de Leon sa lahat ng kanyang mga …

Leave a Reply