Wednesday , November 30 2022

Robredo desmayado kaya nag-lider sa oposisyon — Roque

ISINIWALAT ng Palasyo, nag-apply muli na maging miyembro ng gabinete si Vice President Leni Robredo bago nagpasya na maging pinuno ng oposisyon.

Sinabi ni Presidential Spokesman Harry Roque, umaasa ang Malacañang na malinaw na ang papel ngayon ni Robredo matapos sumubok muli na maging bahagi ng gabinete ni Pangulong Rodrigo Duterte.

Hindi binanggit ni Roque kung anong posisyon sa gabinete ang nais na masungkit ni Robredo na hindi nakuha.

“Sinabi naman namin e importante rin ang oposisyon sa demokrasya. Pero good luck po, at sana po ay malinaw na ang papel ni Leni Robredo dahil nitong kailan lamang po e parang nag-a-apply muli siya sa Gabinete ni Presidente. So, ngayon at least mayroon na siyang desisyon na sa oposisyon na siya at hindi na siya umaasa na makapasok muli sa Gabinete ng ating Pangulo,” ani Roque.

Matatandaan, sinibak ni Pangulong Duterte si Robredo bilang housing czar noong Disyembre 2016 dahil sa pagkakasangkot niya sa desta­bilisasyon laban sa administrasyon.

Tiniyak kamakalawa ni Duterte, hindi niya ipamamana kay Robredo ang Palasyo dahil walang kakayahan ang bise-presidente na pamunuan ang bansa.

Sinabi ng Pangulo, hindi siya magbibitiw sa puwesto para ipalit sa kanya si Robredo bagkus ang hirit niya sa Consultative Committee at Kongreso ay dagdagan ng probisyon sa panukalang Federal Constitution na magdaos ng eleksiyon para sa magsisilbing transition president.

(ROSE NOVENARIO)

About Rose Novenario

Check Also

arrest, posas, fingerprints

Wanted sa Bicol nasakote sa Pasig

NADAKIP sa lungsod ng Pasig ang isang 48-anyos lalaking wanted sa kasong pamamaslang sa kanyang …

road accident

Bumangga sa barrier
11 PULIS SUGATAN SA TUMAOB NA PATROL CAR

SUGATAN ang 11 pulis nang sumalpok ang kanilang patrol car sa isang concrete barrier saka …

Bukidnon PPO Police PNP

Sa Bukidon
4 PATAY, 2 PA SUGATAN SA ALITAN SA LUPAIN

PATAY ang apat katao habang sugatan ang dalawang iba pa sa insidente ng barilan at …

dead gun police

Aresto nauwi sa enkuwentro, 2 suspek todas, 2 pulis sugatan,

TODAS ang dalawang miyembro ng isang criminal gang habang naaresto ang apat nilang galamay nang …

paputok firecrackers

Halos isang buwan sa pagtatapos ng 2022
PRESYO NG PAPUTOK PATULOY NA TUMATAAS

MAHIGIT isang buwan bago salubungin ng mga Filipino ang taon 2023 sumirit pa ang presyo …

Leave a Reply