Thursday , September 29 2022
Sipat Mat Vicencio

Problema ni Bam si Kris

LALONG lumiit ang tsansa na lumusot si Sen. Bam Aquino sa darating na 2019 midterm elections matapos magparamdam ang Queen of All Media na si Kris Aquino na interesado siyang sumabak sa darating na senatorial race.

Mismong si Kris ang nagpahiwatig na malamang na tumakbo siya bilang senador sa gitna ng mainit na pakikipag-away kay Pre­sidential Communications Assistant Secretary Mocha Uson sa social media.

Ang masakit nito, kung matutuloy man ang pagtakbo ni Kris sa Senado tiyak na ang ‘ma­bibiyabit’ ay si Bam. Mahirap lumusot sa senatorial race ang dalawang magka-apelyido, at ‘yan ay pinatunayan na sa mga nagdaang eleksiyon.

At kung ang pagpipilian din lang naman ay si Kris o si Bam, tiyak na ang pipiliin ng mga botante ay si Kris. Sikat si Kris, at nakapuntos pa siya nang makipagbangayan kay Mocha.

Lalong mahirap ngayon ang sitwasyon ni Bam sa pagsulpot ni Kris sa eksena. Wala kasing maaaring sumabay na Aquino sa senatorial race kundi ang nag-iisang si Kris Aquino lang. Ang ibig sabihin, si Kris lang ang tiyak na mananalo kung tatakbo bilang senador.

Kaya nga, mukhang nagsisisi na si Bam nang sabihin niyang ang pakikipag-away ni Kris kay Mocha ay nagbigay daan sa kanyang pinsan ng malaking pagkakataong manalo sa darating na halalan. Tama ka Bam at ikaw ang maiiwan!

Sure win daw si Kris, sabi pa ni Bam. Tama pa rin si Bam, pero ang hindi niya alam, siya naman ang hindi mananalo kung tuluyang tatakbo si Kris bilang senador sa eleksiyon sa 2019. Sapat na kasi ang isang Aquino sa Senado.

Kung titingnan ang huling Pulse Asia senatorial survey, si Bam ay nasa ika-14 na puwesto. Wala sa Magic 12, at inaasahang isa siya sa reelectionist senator na malalaglag sa darating na midterm election.

Kung tutuusin, hindi naman dapat naluklok si Bam bilang senador. Wala siyang maipag­mamalaking achievement na ginawa para sa bayan kundi ang walang kahihiyang binihisan ang kanyang sarili, at sa isang iglap ay nagbalatkayo at nagmukhang si dating Senador Ninoy Aquino.

Masasabing medyo makapal itong si Bam?  Tumanda na lang na nanghihiram ng mukha kay Ninoy. Pilit na ginagamit niya si Ninoy para lamang manalo sa eleksiyon. Walang sariling estilo maliban sa panggagaya sa kilos at pagsasalita ng kanyang uncle na si Ninoy.

Hindi ako magtataka kung pati ang brief na ginagamit ngayon ni Bam ay tulad ng tatak ng brief na ginamit noon ni Ninoy.

SIPAT
ni Mat Vicencio

About Mat Vicencio

Check Also

ULINIG ni Randy V. Datu

Kabayaran ng katigasan ng ulo sa panahon ng kalamidad

ULINIGni Randy V. Datu MAPAGPALANG ARAW sa ating lahat. Ating naulinigan na maaliwalas na ang …

FIRING LINE ni Robert B. Roque, Jr.

Sino’ng nakikinig kay Bongbong?

FIRING LINEni Robert B. Roque, Jr. MALIWANAG na ang pinakamahalagang natamo sa biyahe kamakailan ni …

AKSYON AGAD ni Almar Danguilan

QC Jail PDLs, nabigyan ng pag-asang makapagtapos sa K12

AKSYON AGADni Almar Danguilan ANAK mo ba’y nakakulong ngayon sa Quezon City Jail Male Dormitory …

FIRING LINE ni Robert B. Roque, Jr.

Bagong director, bagong imahen ng NBI, tama?

FIRING LINEni Robert B. Roque, Jr. KAPWA may espesyal na pagkakakilanlan sina Energy Secretary Raphael …

AKSYON AGAD ni Almar Danguilan

Pagdukot, pagpapatubos sa mga Tsinoy, lumala na naman?

AKSYON AGADni Almar Danguilan NAKAPAPANGAMBA ang ulat ng Philippine Chinese Chamber of Commerce and Industry, …

Leave a Reply