Wednesday , October 5 2022

P163-M shabu kompiskado mag-ina arestado

INIHARAP sa media nina PNP chief, Director General Oscar Albayalde, DILG OIC Eduardo Año at NCRPO chief, C/Supt. Guillermo Eleazar ang kompiskadong P163 milyong halaga ng hinihinalang shabu mula sa isang mag-ina sa ikinasang buy-bust operation sa Sta. Ana, Maynila. (ALEX MENDOZA)

KOMPISKADO ng mga tauhan ng Northern Police District (NPD) Drug Enforcement Team ang 24 kilo ng hinihinalang sha­bu, tinatayang P163 milyon ang street value, sa arestadong mag-ina sa buy-bust operation sa Sta. Ana, Maynila, nitong Martes ng gabi.

Kinilala ni NPD director, C/Supt. Aman­do Empiso ang ares­tadong mag-ina na sina Ruby Calabio, 61, at Ian Akira Calabio, 26, kapwa residente sa 2541 Interior 21, Pasig Line, Brgy. 778, Zone 85, Sta. Ana, Maynila.

Ayon kay Empiso, unang nadakip ng mga tauhan ng Caloocan Police Station Drug Enforce­ment Unit sa buy-bust operation sa harap ng MCU Hospital, ang dalawang hinihinalang drug pusher na sina Luzviminda Basilio, 26, at Jocelyn Santos, 28, sa harap ng isang fastfood chain sa EDSA MCU, Brgy. 81 dakong 5:45 pm at inginuso nila si Ian Akira na kanilang source ng ilegal na droga.

Agad nagsagawa ang mga operatiba ng SDEU ng follow-up buy-bust operation, sa pangunguna ni S/Insp. Cecilio Tomas, Jr., kontra sa mga suspek dakong 11:15 pm, sa koordinasyon sa Philippine Drug Enforce­ment Agency (PDEA) at Manila Police District (MPD).

Makaraang makabili ng tatlong plastic sachet ng shabu, na P30,000 ang halaga, ang poseur buyer na si PO1 Elouiza Andrea Dizon, sa mga suspek sa loob ng kanilang bahay ay agad silang inaresto ng mga operatiba.

Nang halughugin ng mga operatiba ang bahay ng mga suspek, natag­puan nila ang silver luggage bag na nagla­la­man ng 24 kilo ng hini­hinalang shabu, na tinatayang P163 milyon ang street value.

ni ROMMEL SALES

About hataw tabloid

Check Also

arrest posas

2 manggagantso timbog sa bitag

HINDI na nakapalag ang dalawang indibiduwal na kapwa mga residente sa Cavite nang arestohin ng …

100422 Hataw Frontpage

Binangga ng SUV saka pinagbabaril riding-in tandem sa Las Piñas
BETERANONG BRODKASTER, KOLUMNISTA ITINUMBA

ni MANNY ALCALA PINAGBABARIL hanggang mapatay ang isang beteranong hard-hitting broadcaster at kolumnista sa diyaryo …

Ika-33 taon ng kooperatiba sa Bulacan ipinagdiwang

Ika-33 taon ng kooperatiba sa Bulacan ipinagdiwang

SA layuning pagkaisahin at isulong ang lahat ng mga koopertiba sa buong lalawigan, sinimulan ng …

Bulacan Recuers Luksang Parangal

Pagkilala at pinansiyal na suporta bumuhos sa limang rescuers na nasawi sa Bulacan

BUMUHOS ang mga pagkilala at pinansiyal na suporta para sa mga bayaning tagapagligtas sa ginanap …

Sta maria Bulacan Police PNP

Pusher na 67-anyos na lolo, kinalawit sa ibibiyaheng ‘bato’

KAHIT malapit ng lubugan ng araw ay nagagawa pa ng isang lolo na gumawa ng …

Leave a Reply