Monday , September 26 2022
Bulabugin ni Jerry Yap
Bulabugin ni Jerry Yap

Bong Go ‘wag kaladkarin kung ayaw sa politika

ILANG beses nang sinabi ni SAP Bong Go, hindi siya nagtatrabaho para ambisyonin ang Senado.

Gumagawa siya batay sa utos ni Pangulong Rodrigo “Digong” Duterte at bilang suporta rin sa kanyang liderato.

Ilang beses niyang binigyang-diin ang ganyang pahayag at paulit-ulit itong lumalabas sa media.

Kaya nakapagtataka kung bakit nanatili ang pang-uurot ng mga gustong mawala sa tabi ni Pangulong Digong si SAP Bong Go…

Ano ang interes nila?

Kitang-kita na ang mga nambubuyo kay SAP Bong Go na tumakbo sa Senado ay ‘yung mga atat na atat makapuwesto…

Makapuwesto sa tabi ng Pangulo!

E kung hindi, bakit nga pinipilit nilang kumarera sa Senado si SAP Bong Go?!

Isa pang bagay, siyempre, para matapos man ang termino ni Tatay Digong at mawala na sa Malacañang, may makakapitan pa sila sa Senado.

Kaya huwag na kayong magtaka kung bakit biglang ‘nagmulto’ ang mga dating wala na…

Parang mga ‘zombie’ na nagbangon sa hukay.

Biglang naglutangan habang ‘yung iba naman gumagawa ng paraan para tuluyang ibulid sa pamomolitika si SAP Bong Go.

‘Yung mga nambubuyo kaya kay SAP Bong Go lalo na ‘yung natulungan niyang mabigyan ng pu­westo ay nagtatrabaho naman kaya nang maayos para makatulong man lang sa maka­buluhang pagbabagong isinusulong ni Pangulong Digong?!

E baka naman puro sipsip lang kay SAP ang ginagawa? Puwede ba magtrabaho muna kayo?! Gustong mapuwesto sa gobyerno pero puro pamomolitika ang tinatrabaho.

Aba, magtrabaho kayo, hindi ‘yung wala kayong ginawa kundi pag-isipan kung paano katasan at linlangin ang mga kinakapitan ninyo.

Aba ‘e parang takaw na takaw kayo sa PR funds na ilalabas ni SAP Bong Go kapag nabuyo na ninyong tumakbo?!

Hindi man direktang manggagaling sa bulsa ni SAP pero tiyak hahanap ang mga ‘yan ng supporters at donors para ibenta ang pangalan ni Bong Go.

Kumita na, nakasipsip pa kay SAP!

Ay sus!

BAKIT HINDI
MAUBOS-UBOS
ANG SHABU?!

ARAW-ARAW hindi zero ang balita tungkol sa mga napapatay dahil sa ilegal na droga gaya ng shabu.

Araw-araw laging may nasasakoteng kilo-kilong shabu o marijuana. Mayroon pang high grade shabu at sabi nila maging party pills.

Pero ang nakapagtataka, bakit parang hindi nababawasan ang ilegal na droga sa kanilang merkado?

Parang lalo pang dumarami?!

Natitiyak kaya ni PNP chief, Director General Oscar Albayalde na hindi nare-recycle ang mga ilegal na droga o shabu na nakokompiska?!

Sigurado kaya si DG Oca na tuluyang nawakasan ang diskarte ng Ninja cops?!

Pakirekorida nga ulit Sir, PNP Chief. Muk­hang napapalusutan kayo.

Aray, baka uminit ang ulo ni Tatay Digong niyan!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

FIRING LINE ni Robert B. Roque, Jr.

Bagong director, bagong imahen ng NBI, tama?

FIRING LINEni Robert B. Roque, Jr. KAPWA may espesyal na pagkakakilanlan sina Energy Secretary Raphael …

AKSYON AGAD ni Almar Danguilan

Pagdukot, pagpapatubos sa mga Tsinoy, lumala na naman?

AKSYON AGADni Almar Danguilan NAKAPAPANGAMBA ang ulat ng Philippine Chinese Chamber of Commerce and Industry, …

Dragon Lady Amor Virata

Food crisis nakaamba, paano na ang Pinoy?

Isumbong mokay DRAGON LADYni Amor Virata KUNG sakaling magkaroon ng food crisis sa darating na …

YANIG ni Bong Ramos

Mga pulis sa Blumentritt  Detachment, tunay  na mga trabahador

YANIGni Bong Ramos KUNG may patimpalak o ‘di kaya’y kompetisyon para sa best police detachment …

ULINIG ni Randy V. Datu

Sa dumaraming imported frozen
AGRI-PRODUCTS MULA CHINA, ATBP PAMILIHAN, LIGTAS NGA BA?

ULINIGni Randy V. Datu MULA nang isulat ko ang column na Ulinig sa respetado at …

Leave a Reply