Wednesday , October 5 2022

Ynez, lugi pa sa hinahabol na P60K (‘pag idinemanda si Dupaya)

KUNG masusing bubusisiin ang merito ng kasong balak isampa o naisampa na ni Ynez Veneracion laban sa isang babaeng negosyante, lumalalabas—ayon sa kanyang pahayag—ay hindi lang ito babagsak sa cyber libel.

Ang pagsipot ni Ynez kasama ang ilan pang complainants ni Kathy Dupaya nitong Sabado ay ikalawa na mula sa kanilang kampo.

Ayon kay Ynez, hawak niya ang printouts ng ilang pahinang halaw sa mga FB posts ni Dupaya na aniya’y magpapatunay na paninirang-puri ang mga ‘yon sa kanyang pagkatao.

Dagdag pa ng dating seksi aktres, pati ang kanyang anak ay idinamay umano ni Dupaya.

Kung totoo man, maaaring isama ni Ynez ang paglabas ni Dupaya sa RA 9262 na naglalayong proteksiyonan ang mga karapatan ng mga bata.

Ang anak ba ni Ynez na tinutukoy niya ay ‘yung naging bunga ng pakikipagrelasyon niya sa isang kapatid na Muslim (open secret ang kuwentong ‘yon sa showbiz, pero naghiwalay na rin sila ng tatay ng batang nasa politika rin)?

Medyo ikinaaliw lang namin ang inilahad na kuwento ni Ynez.

Matatandaan kasi na sa unang pagharap sa media ng mga umano’y naloko ni Dupaya ng halagang aabot sa milyon-milyong piso, ang kay Ynez ang pinakamaliit. Ang pinakamalaki ay kay Joel Cruz, pumapanga­lawa si Sunshine Cruz.

Malayo ang agwat ng halagang umano’y pagkakautang ni Dupaya kay Ynez: P200,000.

Pero kuwento ng aktres, nabayaran daw siya nito nang ibunyag ng kampo ni Ynez ang tungkol sa umano’y scam nito. Bale ang balance na lang ni Dupaya ay P60,000 na lang.

Maliwanag na ang hinahabol ni Ynez—kung pera ang pag-uusapan—ay ang 60k.

Alam nating lahat na hindi lang malaking abala ang hatid ng anumang demandang nais isampa ng isang tao sa korte. Malaking factor din ang perang panggastos sa abogado at kung anupamang attendant expenses.

Mukhang sa P60K na hinahabol ni Ynez ay lugi pa siya. Baka ang tutukan na lang ang kanyang kaso laban kay Dupaya ang mas atupagin niya kaysa tumanggap ng trabaho.

Hindi sa pangmemenos sa estado ni Ynez bilang artista. Mahusay siya kung mahusay bilang aktres. Pero ang kawalan ng regular na pinagkukunan ng income ang mas dapat niyang i-address.

Suki nga si Ynez sa mga indie film, gasino na lang ang kita mula roon? May regular TV show din ba siya? Maliban na lang siguro kung sa tagal na ni Ynez sa industriya’y marami na siyang naipon. O baka rin naman suportado siya financially ng tatay ng anak na sinasabi niyang idinamay ni Dupaya.

Bilib kami kay Ynez dahil sa kanyang pakikipaglaban sa mga karapatan niyang nilabag umano ni Dupaya. Hard-earned money tiyak ang nais ni Ynez na maibalik sa kanya.

Pero kung lalabas na abonado pa siya kaysa kanyang makukuha, is her case worth fighting for in court?

ni Ronnie Carrasco III

About Ronnie Carrasco III

Check Also

Barbie Imperial

Barbie sa netizens: Bakit ako naging malandi? ‘Hindi ako laspag?

MA at PAni Rommel Placente SINAGOT ni Barbie Imperial ang mean comments sa kanya ng ilang netizens, …

Anthony Taberna Ka Tunying's Cafe

Resto ni Ka Tunying ipinabo-boykot din

I-FLEXni Jun Nardo PINASALAMATAN  at humingi ng paumanhin ang broadcaster na si Anthony Taberna o mas kilala …

Mariel Padilla Robin Padilla

Robin ligtas na, operasyon sa puso matagumpay  

I-FLEXni Jun Nardo LIGTAS na si Senator Robin Padilla. Isinugod sa ospital ang aktor-senador dahil sa …

Blind Item, Men

Audition ni male star sa movie company pinaghubo’t hubad

ni Ed de Leon WALANG nagawa ang isang baguhang male star. Pinapunta siya sa office ng …

Mike Tan

Mike Tan gradweyt na ng BS Psychology  

HATAWANni Ed de Leon TALAGANG kung magsisikap, matutupad ang pangarap. Tingnan ninyo ang actor na …

Leave a Reply