HATAW! D'yaryo ng Bayan hatawtabloid.com
AGAD binawian ng buhay ang isang babaeng Korean national makaraan tumalon mula sa ika-43 palapag ng isang condominium sa Makati City, kahapon ng umaga.
Kinilala ang biktimang si Kim Mihyun, 35, pansamantalang nanunuluyan sa Unit 43-C, 43rd floor, The Salcedo Park Tower 1 Condominium, HV Dela Costa St., Brgy. Bel-Air ng lungsod.
Sa report kay Makati City Police chief, S/Supt. Rogelio Simon, nangyari ang insidente dakong 10:23 am sa terrace ng condominium na tinutuluyan ng biktima.
Sinabi ni Kim Young In, asawa ng biktima, habang natutulog ay ginising siya ng kanyang anak na babae at sinabing tumalon ang kanyang ina (biktima).
Aniya, noong Biyernes (1 Hunyo) dumating sila sa Filipinas para magbakasyon.
Napag-alaman din na taong 2016, noong nakatira sila sa Bonifacio Global City (BGC) sa Taguig City ay dalawang beses nagtangkang magpakamatay ang biktima sa pamamagitan ng drug overdose dahil sa matinding depression.
(JAJA GARCIA)
