Sunday , October 2 2022

Joma hindi ‘mata-tarmac’ sa airport (Sigurado si Duterte)

TINIYAK ni Pangulong Rodrigo Duterte, hindi magagaya kay dating Sen. Benigno “Ninoy” Aquino, Jr., si Communist Party of the Philippines (CPP) founding chairman Jose Ma. Sison na pinatay habang pababa sa ero­plano sa paliparan.

Inatasan ni Duterte ang bagong commander ng Presidential Security Group na si Col. Jose Eriel Niembra na protektahan at bantayan ang segu­ridad ni Sison.

Inianunsiyo ito ni Pa­ngulong Duterte kasabay ng change of command ceremony ng PSG sa Ma­lacañang park kagabi.

Sinabi ng Pangulo na makasisiguro si Sison na hindi siya malalagay sa panganib kapag umuwi rito sa bansa para sa pag-uusap sa kapayapaan.

Tiniyak ng Pangulo na hindi lamang ang pana­natili ni Sison sa bansa ang garantiya para sa kaniyang kaligtasan kun­di maging kapag lalabas siya ng bansa.

Giit ng Pangulo, hindi niya style ang pagiging traydor o gagawa ng Aquino style na pagpa­tay, na binaril nang naka­ta­likod habang pababa sa eroplano.

Sakali aniyang maun­si­yami o mabulilyaso na naman ang peacetalks,  sinabi ng Pangulo na siya mismo ang maghahatid sa airport kay Sison.

Ngunit umaasa ang Pangulo na magkakaroon ng positibong resulta ang tinatrabahong peacetalks ng gobyerno sa CPP-NPA-NDF.

Kasabay nito, ang pagkalugod ng Pangulo sa mabilis na pag-usad ng BBL sa dalawang kapu­lu­ngan ng Kongreso na paunang hakbang sa kapayapaan sa pagitan ng Kristiyano at mga Moro sa Mindanao.

(ROSE NOVENARIO)

About Rose Novenario

Check Also

Bulacan Police PNP

Bulacan police umiskor
MAHIGIT 765K HALAGA NG DROGA NAKUMPISKA, 15 DRUG SUSPEK NALAMBAT AT 6 NA LAW OFFENDERS NAI-HOYO

TINATAYANG aabot sa mahigit 765K halaga ng iligal na droga ang nakumpiska habang 15 drug …

Dagdag na benepisyo hiling ng pamilya ng mga nasawing rescuers sa Bulacan

Dagdag na benepisyo hiling ng pamilya ng mga nasawing rescuers sa Bulacan

NANAWAGAN ang mga kamag-anak ng ilan sa mga nasawing rescuer sa Bulacan ng dagdag na …

shabu

3 tulak sa Gapo nasabat
MAHIGIT P1-M HALAGA NG SHABU, NAKUMPISKA

 MAHIGIT  P1-M halaga ng iligal na droga ang nakumpiska ng mga awtoridad habang tatlong tulak …

FRIENDSHIP route sticker las pinas

Sa Las Piñas
72-ORAS TRO PABOR SA ‘FRIENDSHIP ROUTE’ PINALAWIG NG KORTE

ISA PANG DAGOK sa bagong administrasyon ng BF Resort Village Homeowners Association, Inc. (BFRVHAI) ang …

Zasa Aliman Stone Hope Company Diesel

Oil importer dudulog sa Malacañang dahil sa pagbasura ng DOE sa kanilang aplikasyon

DUDULOG sa Office the President (OP) ang isang oil importer kaugnay sa hinalang pagbasura ng …

Leave a Reply