HATAW! D'yaryo ng Bayan hatawtabloid.com
NASA huli talaga ang pagsisisi.
Aminado kahapon si Pangulong Rodrigo Dutere, ‘nabitag’ siya ng mga pekeng ‘anti-corruption crusaders’ na humikayat sa kanyang lumahok sa 2016 presidential elections.
Hindi maitago ang pagkalumbay ng Pangulo nang ikuwento sa presentasyon ng New Generation Currency bank-notes sa Malacañang kahapon, ang sinibak na ilang opisyal ng kanyang administrasyon dahil sa korupsiyon, ay mismong mga humikayat na tumakbo siyang Pangulo ng bansa upang wakasan ang katiwalian.
“But you know if you’d notice, karamihan kong nawala sa akin are really the very first person who — ke gano’n ang bayan, ke gano’n, gano’n nang gano’n, corruption, there was crime and everything. I said but I am very sad that they are the very first to go,” ani Duterte.
“Early on a Cabinet member. But just the same tayo ba sa gobyerno was just… There is no way of telling ‘yung maglapit sa’yo na gano’n, gano’n ka and you thought you might ever fall into the trap of believing na you are with a crowd for change,” dagdag niya.
Kamakalawa ay nagbitiw si Tourism Secretary Wanda Teo matapos mapaulat na sinibak siya ni Pangulong Duterte bunsod nang ibinayad na P60-M advertisement ng DOT sa kompanya ng kapatid na si Ben Tulfo para sa program nitong Kilos Pronto sa PTV 4, batay sa Commission on Audit (COA) report.
(ROSE NOVENARIO)
