PATAY ang isang 75-anyos person with disability (PWD) nang mabundol at makaladkad ng isang delivery van habang pagapang na tumatawid sa kalsada sa Navotas City, kahapon ng umaga.
Hindi umabot nang buhay sa Tondo Medical Center ang biktimang si Ernesto Ularte, residente sa C-3, Phase 1-C, Brgy. North Bay Boulevard South, sanhi ng mga pinsala sa ulo at katawan
Ayon sa ulat ni PO3 Joseph Provide, dakong 5:45 am nang maganap ang insidente sa kanto ng C-3 Service Road at Babansi Street, Phase 1-C, Brgy. NBBS.
Pagapang na tumatawid si Ularte sa C-3 Road nang mahagip siya at makaladkad nang ilang metro ng isang aluminum delivery van.
Ngunit imbes tulungan ang biktima, mabilis na humarurot ang nasabing sasakyan.
(ROMMEL SALES)
