Monday , October 3 2022

Barangay narco-list inilabas ng PDEA

INILABAS na ng Philippine Drug Enforcement Agency (PDEA) kahapon ang listahan ng mga  pangalan ng 207 barangay officials na sinasabing protektor at sangkot sa pagtutulak ng ilegal na droga sa bansa.

Sa press conference, tila tuluyang hinubaran ng maskara ni PDEA Director General Aaron Aquino, ang 90 punong barangay at 117 kagawad na sangkot sa pagpapakalat ng shabu sa kani-kanilang nasasakupan.

Ayon kay Aquino, karamihan sa narco-list ay mula sa lalawigan, partikular sa Bicol na umaabot sa 70 executives; 34 sa Caraga, 13 sa Autonomous Region in Muslim Mindanao (ARMM) at sa iba pang panig ng bansa.

Tinukoy rin na siyam sa listahan ay mula sa NCR, lima sa Maynila, dalawa sa Malabon, isa sa Mandaluyong at isa sa Caloocan.

Sinabi ni Aquino, inihahanda na nila ang pagsasampa ng kaso laban sa mga natukoy sa ‘narco-list.’

“Isang linggo mula ngayon ay magsasampa ng kaso laban sa kanila.”

Binigyang-diin ni Aquino na ang inilabas nilang listahan ay valida-ted ng PDEA, Philippine National Police (PNP), National Intelligence Coordination Agency (NICA) at Intelligence Service of the Armed For-ces of the Philippines (ISAFP).

“This was validated on the ground. There is no truth that this will serve as hitlist. It will not,” ani Aquino.

Tiniyak ni  Aquino na bibigyan nila ng proteksiyon ang mga nabanggit sa opisyal mula sa po­sibleng galit ng publiko.

“The PNP will make assurance to the public that these people should be given protection that no one will harm them,” pahayag ni Aquino.

Iginiit ni Aquino, ang pagpapalabas ng mga pangalan ay upang ma-bigyan ng impormasayon at babala ang publiko na huwag silang iboto sa nalalapit na Barangay at SK election sa 14 Mayo.

“Aside from these 207 barangay officials, there are 274 barangay officials that are being validated. Once the validation is completed, PDEA will also be revealing the names of these officials. PDEA has a greater res-ponsibility to the state and the public because the interest of the majority is greater than that of the erring few,” dagdag ng opisyal.  (ALMAR DANGUILAN)

About Almar Danguilan

Check Also

Bulacan

Mahigit 4,000 na evacuees sa Bulacan bumalik na sa kanilang mga tahanan matapos ang Super TY Karding

MAY kabuuang 4,760 na indibidwal ang ligtas nang nakabalik sa kanilang mga tahanan noong Martes, …

5 rescuers na nasawi sa Bulacan bibigyan ng espesyal na pagpupugay

5 rescuers na nasawi sa Bulacan bibigyan ng espesyal na pagpupugay

 ISANG espesyal na pagpupugay para parangalan ang limang ‘bayaning tagapagligtas’ na nasawi habang nagliligtas ng …

Hinigop ng rumaragasang tubig sa kanal…
2-TAONG GULANG NA BATANG LALAKI, NAMATAY SA PAGKALUNOD

BANGKAY na nang matagpuan sa nagpuputik na palayan ang isang batang lalake matapos na mahulog …

Bulacan Police PNP

Bulacan police umiskor
MAHIGIT 765K HALAGA NG DROGA NAKUMPISKA, 15 DRUG SUSPEK NALAMBAT AT 6 NA LAW OFFENDERS NAI-HOYO

TINATAYANG aabot sa mahigit 765K halaga ng iligal na droga ang nakumpiska habang 15 drug …

Dagdag na benepisyo hiling ng pamilya ng mga nasawing rescuers sa Bulacan

Dagdag na benepisyo hiling ng pamilya ng mga nasawing rescuers sa Bulacan

NANAWAGAN ang mga kamag-anak ng ilan sa mga nasawing rescuer sa Bulacan ng dagdag na …

Leave a Reply