PARANG pinagsakluban ng langit at lupa si Lotlot de Leon nang namatay ang isa sa mga alagang aso nito noong Huwebes ng hapon.
Kasalukuyang nasa Batangas ang aktres nang tawagan ito ng kasambahay niya para sabihing namatay ang Chihuahua nitong si Scotch matapos biglang sumuka ng dugo.
Walang sakit ang Chihuahua ni Lotlot kaya ganoon na lamang ang pagkagulat at pagkalungkot ng aktres.
Labing-apat na taon ng alaga ni Lotlot at ng kanyang mga anak si Scotch; miyembro ng pamilya ang turing nila rito kaya naman matinding kalungkutan ang nadama ng mga ito.
Halos hindi makapagsalita sa matinding sama ng loob ang bunsong anak ni Lotlot na si Maxine Gutierrez na kasama ni Lotlot sa Batangas nang maganap ang nakalulungkot na pangyayari.
Kahit si Janine Gutierrez, na nasa Bali, Indonesia para sa isang event, ay umiyak din ng todo nang nalaman ang nangyari sa kanilang pinakamamahal na alaga.
Rated R
ni Rommel Gonzales
