HATAW! D'yaryo ng Bayan hatawtabloid.com
NATUTULOG pa ba si Jameson Blake? Kaya namin naitanong ito ay dahil kaliwa’t kanan ang mga ginagawa niyang pelikula bukod pa sa TV projects.
Base sa pagkakaalam namin, tatlong indie projects ang offers sa kanya at pareho niyang gustong gawin kaya ginagawan niya ito ng paraan para ma-accommodate.
Aminado naman ang aktor na strike when the iron is hot dahil hindi naman kasi araw-araw ay may ganitong offers sa kanya.
Kaya deadma sa lovelife ngayon ang binata dahil mas prioridad niya ang trabaho dahil bread-winner siya at naniniwala siyang darating din ang tamang babae para sa kanya.
Samantala, nag-react ang katsikahan naming TV executive na kinompirma ni Jameson na naka-indefinite suspension ang ka-grupo niyang Hashtags na sina Bugoy Carino at Jon Lucas sa balitang umano’y nakabuntis ng kanilang girlfriend.
Maraming nagsulat na ng isyung ito thru blind item at ‘yung iba ay pinangalanan na pero walang kompirmasyon mula sa ABS-CBN management kaya laking gulat ng kausap naming executive, ”bakit nauna pa siya sa management?”
Kamakailan naman ay nagsalita na ang girlfriend ni Bugoy na isang varsity player na hindi totoo ang tsismis at maging si Bugoy ay nagsabing natatawa na lang sila sa isyu.
As of this writing, wala kaming alam kung nagbigay na ng pahayag si Jon tungkol dito.
Going back to Jameson ay nagbase lang siya na hindi na lumalabas sa It’s Showtime sina Bugoy at Jon kaya niya nasabing suspendido sila.
FACT SHEET
ni Reggee Bonoan
