HATAW! D'yaryo ng Bayan hatawtabloid.com
SA hinaba-haba nang panahon ay nagwakas na rin ang kasamaan ni Don Emilio (Eddie Garcia) at ilang tauhan matapos siyang mapatay ni Cardo (Coco Martin) sa kanilang enkuwentro sa Baguio habang ginaganap ang parada ng Panangbenga Festival. Naroroon ang grupo ni Coco na Vendetta para sa kanilang misyon para pigilan si Don Emilio at Sen. Matteo de Silva sa plano nilang pagpapasabog sa Burnharm Park na isasagawa sana ng tao nilang si Buwaya mabuti at natunugan agad ito ni Cardo kaya nailigtas nila sa kamatayan ang mga tao sa parke.
Naroroon pa naman ang pamilya ni Cardo na kinabibilangan ni Lola Flora (Susan Roces) na roon nag-celebrate ng kanyang birthday kasama ang lahat ng mga anak-anakan at mga kaibigan nila ng kanyang apo.
Samantala bukod kina JC Santos, Matet de Leon at komedyanteng si Jobert Austria ay apat na malalaking artista ang kasama na rin ngayon sa FPJ’s Ang Probinsyano at sila ay sina Rowell Santiago, Edu Manzano, Dawn Zulueta at Alice Dixson at hindi pa dini-divulge kung ano ang magiging role ng bawat isa.
Bilang respeto sa mga mas senior sa kanya ay nagbigay pugay si Coco sa kanila nang dalawin niya sa taping ang mga nabanggit na big stars. Ang mag-inang Alma Moreno at Mark Anthony Fernandez ay nagbigay na rin ng feeler na parehong interesado na mapasok sa action-drama series na hanggang ngayon ay no.1 show sa buong bansa.
VONGGANG CHIKA!
ni Peter Ledesma
