Monday , June 24 2024
Yeng Constanino

Yeng, nagpo-focus sa pagbuo ng baby

NAPA-SECOND look kami kay Yeng Constanino nang makita namin siya sa ginanap na Cornerstone Concertsmedia conference na ginanap sa Luxent Hotel nitong Lunes, Marso 5 dahil ang ganda niya at buma-bagets ang peg.

Biro nga namin kay Mrs. Victor Asuncion, ”buma-bagets ka ah, anong sekreto?” At natawa naman sa amin ang isa sa prime artist ng Cornerstone.

“Vegan kasi ako, three years na,” saad sa amin ni Yeng na 29 years old na ngayong taon. Sa totoo lang hindi siya mukhang 29 parang nasa 24-25 lang.

Tatlong taong kasal na sina Yeng at Yan (tawag kay Victor) pero wala pa ring baby kaya tinanong namin kung kailan.

“We’re trying, hoping nga po, malalaman ko,” sabi sa amin.

At ibinuking ng daldalerang si Angeline Quinto na katabi namin habang kausap namin si Yeng na, ”naku, panay-panay nga ang honeymoon nila, nag-Japan sila tapos ng El Nido pa, tapos bukas (noong Martes), magba-Balesin naman.”

“Oo, kasi habang wala pang masyadong ginagawa, try naming bumuo,” natawang sagot naman ni Yeng.

Samantala, galing ng Pinoy Dream Academy Season 1, 2006 si Yeng at tinanong namin kung wala siyang planong mag-audition sa Singer 2018?

“Noong nalaman ko iyon, honestly sinabi ko kay kuya Erickson (Raymundo) na mag-focus muna ako sa (pagbe-baby). At saka feeling ko, mas built si KZ para roon (Singer 2018) kasi nakita ko ‘yung journey niya na mas bagay talaga si KZ. Kasi sa amin (Cornerstone artists), si KZ ‘yung nakitaan ko talaga,” say sa amin.

Baka naman kasi graduate na si Yeng sa mga singing contest? ”Ay hindi naman ganoon. Siyempre ‘yung feeling ng contest for me, nakakakaba. At saka baka mas lalo akong ma-stress, hindi ako mabuntis,” mabilis nitong sagot.

Ang pinaghahandaan ngayon ni Yeng ay ang nalalapit na Divas Live II concert nila sa Smart Araneta Coliseum sa Nobyembre ngayong taon kasama sina KZ, Kyla, at Angeline produced ng Cornerstone Concerts na nagdiriwang ng 8th year anniversary.

(REGGEE BONOAN)

About Reggee Bonoan

Check Also

Zara Lopez Reece Sapphire

Zara Lopez sa kabila ng mga pagsubok may matibay pananalig sa Diyos, nakatutok sa mga anak na sina Reece at Sapphire

ALAM MO NA!ni Nonie Nicasio KAHIT dumating man ang maraming pagsubok at dagok sa buhay, …

BGYO

BGYO nagsampa cyberlibel at unjust vexation vs mga indibidwal na nagpapakalat ng fake news

MA at PAni Rommel Placente HINDI na nakapagpigil, nagsampa ng kasong cyberlibel at unjust vexation …

Gary Estrada Dina Bonnievie Bernadette Allyson Carmina Villarroel

Gary ini-stalk noon si Dina; magpapakamatay ‘pag ‘di pinansin 

MA at PAni Rommel Placente SA guesting ni Gary Estrada sa Saturday morning show na Sarap, Di Ba? ng GMA …

AR dela Serna Harry Roque

Sino nga ba si AR dela Serna na laging kasa-kasama ni Harry Roque sa Europe?

HATAWANni Ed de Leon MAY ilang nagpadala sa amin ng messages ilang araw na at …

Darren Espanto D10 Star Magic

Darren Espanto pambato ng Star Magic  

SHOWBIZ KONEKni Maricris Valdez Nicasio NATAWA kami sa tinuran ni Darren Espanto nang matanong kung …

Leave a Reply

Your email address will not be published. Required fields are marked *