Wednesday , August 10 2022
dead prison

Death penalty vs drug lords tagilid (‘Pag di naipasa bago 2019 polls) — Sotto

POSIBLENG maipasa sa Senado bago ang 2019 midterm elections ang panukalang magpapataw ng death penalty sa “high-level drug traffickers,” pahayag ni Senate Majority Leader Vicente Sotto III, nitong Huwebes.

“‘Kung maipapasa ito, maipapasa before the elections in 2019 pero kapag hindi naipasa, tagilid ito,” pahayag ni Sotto.

“Ibig sabihin no’n ‘yung 12 maiiwan sa ‘min doon (Senate), sa tantiya ko ay hindi pabor [sa death penalty]. Unless ‘yung mga papasok sa ‘min na bago ay solid na pro-death penalty [at saka lang maipapasa after 2019 elections],” aniya.

Ang Senate subcommittee on Justice and Human Rights ay muling magpupulong upang talakayin ang isyu, ngunit sa kasalukuyan, karamihan sa mga senador ay handang ipasa ang death penalty bill ngunit ito ay limitado sa drug lords, pahayag ni Sotto.

“High-level drug trafficking lang ang may pag-asa. Other crimes, like rape and murder, ‘pag nakulong mo, hindi na makauulit kasi nandoon na sa loob [ng bilangguan]. Pero ‘yung high level drug trafficking, nakakulong na nag-oope-rate pa e,” aniya.

Ang mga kritisismo na sinasabing ang death penalty ay “anti-poor” ay tutugunan din kapag ang capital punishment ay para lamang sa drug lords.

“Sa high-level drug trafficking, walang poor na drug lord so walang mabibitay na mahirap. ‘Yung mga street pusher sa tabi-tabi, puwede nang life imprisonment ‘yun,” ayon kay Sotto.

Ang pagpapabalik sa pagpapatupad ng death penalty ay kabilang sa priority bills na isinulong ni Pangulong Rodrigo Duterte.

Nitong nakaraang taon, inaprobahan ng mga alyado ng Pangulo sa mababang kapulungan ng Kongreso sa pinal na pagbasa ang kanilang bersiyon ng death penalty measure.

About hataw tabloid

Check Also

Bulacan Police PNP

ABUSADONG ONLINE SELLER TIMBOG
18 tulak, 4 iba pa kalaboso

INARESTO ng mga awtoridad ang isang lalaki matapos ireklamo ng karahasan kabilang ang 18 tulak …

Prison Bulacan

Bilang ng PDL sa Bulacan Provincial Jail bumaba

BUMABA hanggang sa 1,696 ang bilang ng mga persons deprived of liberty (PDL) sa Bulacan …

Mandaluyong

Sahod ng empleyadong JO sa Mandaluyong P10K na

TATANGGAP ng P10,000 ang mga empleyadong nasa ‘job order status’ sa lungsod ng Mandaluyong. Sa …

Lunod, Drown

Sa Zambales
3 NILAMON NG ALON, 13-ANYOS NAWAWALA

HINDI nakaligtas sa malakas na hampas ng alonang tatlo katao habang nawawala ang kasama nilang …

bugbog beaten

Kinuyog ng 5 katao
16-ANYOS BINATILYO TODAS

BINAWIAN ng buhay ang isang binatilyo matapos pagsasaksakin at pagnakawan ng limang suspek sa Brgy. …

Leave a Reply