Friday , March 29 2024
electricity meralco

PCC kinalampag sa monopolyo sa power supply

NANAWAGAN kahapon si Quezon City 2nd District Rep. Winston Castelo sa Philippine Competition Commission (PCC) na gumawa ng kaukulang hakbang para maputol ang monopolyo sa power supply sa bansa.

Ayon kay Castelo, nasa ilalim ng kapangyarihan ng PCC ang pagsusulong sa interes ng mga mamimili, kabilang ang mga konsyumer ng koryente at pagpipigil sa mga mapagsamantalang kompanya na nasa sektor ng enerhiya.

Aniya, kung pinayagan ng pamahalaan ang pagpasok ng ikatlong  telecommunication player sa bansa para mapagbuti ang serbisyo ng telekomunikasyon sa publiko ay bakit hindi ito gawin sa energy sector.

“Kung sinasabi nilang mas gaganda ang serbisyo sa mga customer kapag nagkaroon ng third party sa telcos, dapat ay gawin din nila ito sa energy sector. Putulin nila ang monopoly ng Meralco para hindi magkaroon ng manipulasyon sa presyo ng koryente,” giit ni Castelo.

“Huwag pag-initan ng gobyerno ang mga telco. Nandiyan din ang monopolyo sa supply ng koryente na nagiging dahilan ng pagpapataw nang sobra-sobra o hindi makatuwirang power rate,” dagdag niya.

Reaksiyon ito ng kongresista makaraang ianunsiyo ng Manila Electric Company (Meralco) ang pagtataas ng kanilang singil ngayong Pebrero at sa susunod na buwan na dagdag-gastos at pabigat sa publiko.

Sa anunsiyo ng Meralco, magpapatupad ito ng 75 centavos na dagdag sa kanilang singil ngayong Pebrero at 33 centavos sa Marso para sa kabuuang P1.08 per kilowatt hour (kWh) na pagtataas.

Pinasisilip din ni Castelo sa PCC ang pagkakaroon umano ng sabwatan ng Meralco at iba’t ibang power generation companies para manipulahin ang presyo sa koryente.

Magugunita na noong Abril 2016 ay isinumite ng Meralco sa Energy Regulatory Commission (ERC) ang pitong Power Supply Agreements (PSAs) nito para sa kabuuang 3,551 megawatt na suplay ng koryente sa pitong gencos.

Ngunit ang naturang power companies at ang Meralco ay mayroon uma­nong ugnayan sa isa’t isa dahil ang huli ay nagmamay-ari ng shares o kasosyo ng mga una.

“Biruin mo, itong Meralco ay bibili ng koryente sa generation company na iyon rin pala ang may-ari o kasosyo. Kaya we are asking the PCC to look into the ownership of these gencos at alamin kung may pagmamay-ari ba ng Meralco d’yan,” ani Castelo.

 

About hataw tabloid

Check Also

Seguridad sa mga simbahan para sa bisita iglesa tiniyak ni MPD chief

Seguridad sa mga simbahan para sa bisita iglesa tiniyak ni MPD chief!

PERSONAL na naglibot sa ibat-ibang Simbahan si MPD Director PBGen Arnold Thomas Ibay at ininspeksyon …

PICPA Foundation spearheads Green Project

PICPA Foundation spearheads Green Project

VISITORS will soon be seeing a greener Philippine Institute of Certified Public Accountants (PICPA) national …

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Leave a Reply

Your email address will not be published. Required fields are marked *