HATAW! D'yaryo ng Bayan hatawtabloid.com
BINAWIAN ng buhay ang deputy chief ng Cainta police sa Rizal makaraan makabakbakan ang ilang drug suspect, nitong Linggo ng gabi.
Nagresponde ang biktimang si Senior Insp. Jimmy Senosin at mga tauhan sa floodway ng Cainta makaraan makatanggap ng tawag na may armadong grupo sa lugar, ayon kay Cainta police chief, Supt. Ray Rosero.
Ngunit habang papasok ang mga operatiba sa lugar pinaputukan sila at hinagisan ng gra-nada ng mga suspek na kinilala sa alyas na Ruben at Ekis.
Tinamaan ng bala sa ulo si Senosin. Isinugod siya sa ospital, ngunit hindi na naisalba ang buhay.
Nakatakas ang mga suspek na sina Ruben at Ekis ngunit arestado ang mga itinurong kasabwat na isang Ronald Idolog at Josephine Lachica.
(ED MORENO)
