ALIW naman itong si Sonya na karakter ni Sylvia Sanchez sa panghapong seryeng Hanggang Saan dahil nakakulong na’t lahat may lovelife pa.
Sa takbo ng kuwento ng HS ay nanliligaw sa kanya si Rommel Padilla (Jojo) at kahit nakakulong na si Sonya (Sylvia) ay hindi pa rin nawawala ang pagmamahal nito at hindi rin naniniwalang siya ang maysala sa pagkamatay ni Mr. Lamoste (Eric Quizon).
Kaya naman sobrang inaalalayan ni Rommel (Jojo) si Sonya (Ibyang) sa kulungan kapag may balitang ginugulo siya kaya inilipat na lang ng kulungan para walang gulo.
Sa takbo ng kuwento ay iniwan na ng tuluyan ni Anna (Sue Ramirez) si Paco (Arjo Atayde) kahit labag sa kalooban niya dahil kailangan niya itong gawin bagay na hindi naman naniniwala ang binata na hindi na siya mahal ng kasintahan.
Nagpaparamdam sa kanya si Atty. Georgette (Maxene Medina) na magbalikan sila pero mukhang na kay Anna pa rin ang puso ni Paco (Arjo) kaya waiting in vain ang abogada kung kailan magigising ang ex-boyfriend.
Marami na ang nakapapansin na may chemistry din sina Paco (Arjo) at Georgette (Maxene) kaya puwede silang loveteam din.
FACT SHEET
ni Reggee Bonoan
