Friday , July 1 2022
lovers syota posas arrest

Magsiyotang tirador ng flat screen TV sa hotel arestado

IBANG klaseng modus sa pagnanakaw ang ginagawa ng si-nabing magkasintahan na nahuli  sa isang hotel sa EDSA-Rotonda sa Pasay City nitong Linggo ng gabi.

Nagpanggap na customer  ang dalawa na nag-check-in nitong nakalipas na Sabado sa Sogo Hotel Room 310 at Room 520 na sina Christopher Rae Cabuhat, 32 , at Jane Christine Belicario, 30

Pero target nila sa pag-check-in ang 24-inch flat screen TV ng hotel.

Ayon sa supervisor ng hotel, magkasunod na pumasok ang mga suspek at ipinarada pa ang dalang sasakyan sa parking area.

May dalang maleta na kulay pink ang babae nang pumasok sa kuwarto ng hotel.

Lingid sa kaalaman ng dalawa, nakaalarma na sa Sogo Hotel ang kanilang mga larawan dahil sa serye ng nakawan sa ibang branch ng naturang hotel.

Matapos ang halos isang oras ay lumabas ang babae dala ang maleta at nang pinabuksan ito ay tumambad ang ninakaw na flat screen TV.

May mga nakita ring screw driver at martilyo sa maleta.

Doon na hinuli ang babae ng mga security personnel habang sa kuwarto naabutan si Cabuhat.

Ganito rin ang kanilang modus nang mag-check-in sa isang branch ng naturang hotel noong 23 Nobyembre 2017 sa Harrison, nakuha rito ang isang 32-inch flat screen TV.

Napag-alaman na nauna nang sumalakay ang mga kawatan sa apat pang branch ng hotel sa Cubao, Buendia, Guadalupe at Bacoor kaya natandaan na ang kanilang mga mukha.

Ang modus, isinisilid sa maleta ang mga ninakaw na Flat screen TV.

Tumangging magbigay ng pahayag ang mga suspek na nahaharap sa reklamong Theft.

(JAJA GARCIA)

 

About Jaja Garcia

Check Also

Lani Cayetano Alan Peter Cayetano Taguig 1

Panunumpa sa tungkulin sa Taguig City

MASAYANG nanumpa si Taguig City Mayor Lani Cayetano kay Hon. Judge Antonio Olivete sa pormal …

Ruffy Biazon Muntinlupa oathtaking 1

PORMAL na nanumpa ang bagong chief executive ng Muntinlupa City

PORMAL na nanumpa ang bagong chief executive ng Muntinlupa City na si Mayor-elect Ruffy Biazon …

Mel Aguilar April Aguilar Las Piñas Feat

Mel at April Aguilar nanumpa sa kanilang tungkulin si Las Piñas City

SABAY na nanumpa sa kanilang tungkulin si Las Piñas City Mayor Imelda “Mel” Aguilar at …

Para sa surgical mission sa Bohol Eye doctors inilipad ng Cebu Pacific

Para sa surgical mission sa Bohol Eye doctors inilipad ng Cebu Pacific

INIHATID ng Cebu Pacific Air sa lungsod ng Tagbilaran, sa lalawigan ng Bohol noong nakaraang …

Bongbong Marcos BBM

Pagbasura sa DQ kay Marcos ‘di nakapagtataka – Makabayan

HINDI, umano, nakapagtataka ang desisyon ng Korte Suprema na ibasura ang mga petisyon na idiskalipika …

Leave a Reply