Monday , July 4 2022

Bagon ng MRT kumalas (Pasahero naglakad sa riles)

KAHAPON, parang eksena sa pelikula ang insidente nang kumalas ang isang bagon mula sa naunang bahagi ng tren habang patungo sa estasyon kung saan nahulog at naputol ang kamay ng isang pasahero nitong Martes ng hapon.

Base sa salaysay ni Ivan Caballero Villegas, naiwan sa gitna ng riles sa pagitan ng Ayala at Buendia station ang sinasakyan nilang bagon habang patuloy na papalayo ang unang bahagi ng tren.

“Eksena sa MRT. Umaandar, sabay biglang bitaw ng huling MRT bus,” saad ni Villegas sa isang Facebook post na nakalakip ang retrato ng naiwang bagon.

Kinompirma ni Cesar Chavez, Department of Transportation Undersecretary for Railways, ang insidente, ngunit sinabing walang pasaherong nasaktan mula sa pagkakakalas ng bagon.

Pinababa ang mga pasahero mula sa kumalas na bagon at naglakad na lamang sa riles makaraan ang insidente.

“Around 130 to 140 passengers were evacuated by the combined security guards from Buendia and Ayala Station,” ani Chavez sa isang pahayag.

“Passengers were evacuated from the detached train going to Ayala Stn platform in about 8 to 10 minutes,” dagdag niya.

Ayon kay Chavez, bumalik sa normal na operasyon ang MRT bandang 9:30 ng umaga.

Nitong Martes ng hapon, nahulog ang pasaherong si Angeline Fernando at naputol ang kamay sa Ayala Station ng MRT.

Kamakalawa, sinabing naibalik ang kamay ni Fernando sa Makati Medical Canter (MMC) na naunang nalapatan ng first aid ng kapwa pasaherong si medical intern Charleanne Jandic.

About hataw tabloid

Check Also

Lani Cayetano Alan Peter Cayetano Taguig 1

Panunumpa sa tungkulin sa Taguig City

MASAYANG nanumpa si Taguig City Mayor Lani Cayetano kay Hon. Judge Antonio Olivete sa pormal …

Ruffy Biazon Muntinlupa oathtaking 1

PORMAL na nanumpa ang bagong chief executive ng Muntinlupa City

PORMAL na nanumpa ang bagong chief executive ng Muntinlupa City na si Mayor-elect Ruffy Biazon …

Mel Aguilar April Aguilar Las Piñas Feat

Mel at April Aguilar nanumpa sa kanilang tungkulin si Las Piñas City

SABAY na nanumpa sa kanilang tungkulin si Las Piñas City Mayor Imelda “Mel” Aguilar at …

Para sa surgical mission sa Bohol Eye doctors inilipad ng Cebu Pacific

Para sa surgical mission sa Bohol Eye doctors inilipad ng Cebu Pacific

INIHATID ng Cebu Pacific Air sa lungsod ng Tagbilaran, sa lalawigan ng Bohol noong nakaraang …

Bongbong Marcos BBM

Pagbasura sa DQ kay Marcos ‘di nakapagtataka – Makabayan

HINDI, umano, nakapagtataka ang desisyon ng Korte Suprema na ibasura ang mga petisyon na idiskalipika …

Leave a Reply