Tuesday , November 29 2022

‘EJK’ aktibo sa Kamara

“MAGING sa Camara de Representantes ay may nagaganap na extrajudicial killings o EJK.”

Sinabi ito ng ilang kongresista matapos baliktarin ni House Speaker Pantaleon Alvarez ang impeachment proceeding laban kay Commission on Elections (Comelec) Chairman Andes ‘Andy’ Bautista kahit nauna nang sinabi ng House justice committee na ang impeachment complaint laban sa Comelec Chairman ay walang sapat na porma at sustansiya (form and substance).

Ayon mismo sa kapatid ni Bautista na si Dr. Martin Bautista, ang tanging hangad ng pagpupursige ng Kamara sa pangunguna ni Alvarez ay para lamang hiyain ang kanyang kapatid, dahil nauna nang nagbitiw sa tungkulin.

Ayon sa ilan, sumuko at itinaas na ang kamay ng kontrobersiyal na hepe ng Comelec pero sinagasaan at inilugmok pa ng ‘riding in tandem’ na mga kongresista. 

Maihahalintulad ito sa nagaganap ng giyera ng pamahalaan laban sa droga na hindi na pinasusuko ang mga akusado kundi pinagbababaril na lamang.

Sa pangunguna at panghihimok ni Alvarez ay binaliktad sa plenaryo ang pagbasura ng House committee on justice sa impeachment ni Bautista.

Ito ay sa kabila ng masusing imbestigasyon na isinasagawa ng ilang ahensiya ng pamahalaan tulad ng Bureau of Internal Revenue (BIR), National Bureau of Investigation (NBI) at ng Office of the Ombudsman tungkol sa bintang kay Bautista.

Sayang ang oras ng Kamara at ng Senado dahil nagbitiw na nga si Bautista, at may mga tamang ahensiya na ng gobyerno na nag-iimbestiga, saad ng ilang kongresista na tutol sa impeachment.

“It’s a spectacle, it’s a circus, it’s a public circus that will just expose the children, the family to unbearable conflict…” naghihinanakit na pahayag ng kapatid ni Bautista.

Ilan sa itinuturing na ‘EJK’ sa Kamara ang pagpapakulong sa 6 tauhan ng Ilocos provincial government o ang tinatawag na Ilocos 6 at ang pagbibigay ng P1000 budget sa Commission on Human Rights. (HNT)

About hataw tabloid

Check Also

duterte gun

DOH isali sa gov’t anti-drug campaign
HUSTISYA SA BIKTIMA NG EJKs SA DUTERTE DRUG WAR ISINUSULONG

HINDI dapat kalimutang bigyan ng hustisya ang libo-libong biktima ng patayan sa madugong drug war …

112922 Hataw Frontpage

 ‘Intel funds’ sa civilian agencies nais putulin ng Senador

IGINIIT ni Senate Deputy Minority Leader Risa Hontiveros ang posibilidad na amyendahan ang Administrative Code …

shabu

 ‘Shabu’ pinalitan ng tawas tulak patay sa boga ng ‘suki’

ISANG hinihinalang kawatan at tulak ng ilegal na droga ang binaril at namatay sa katanghaliang …

itak gulok taga dugo blood

Kapitbahay nag-amok babae pinugutan, pamangkin tinaga

PATAY ang isang babae matapos pugutan ng ulo, habang sugatan ang kanyang pamangkin nang tagain …

Bulacan Police PNP

Wanted rapist nasakote
7 LAW VIOLATORS TIKLO

ARESTADO ang isang lalaking may kasong panggagahasa kasama ang iba pang indibidwal na pawang may …

Leave a Reply