Monday , April 22 2024
PANGIL ni Tracy Cabrera

Buwagin na ang mga barangay

Forty percent of the total barangay captains are into drugs. That’s my problem.
— President Rodrigo Roa Duterte

PASAKALYE:
Belated happy birthday sa ating kaibi-gang dating chairman ng Commission on Elections Benjamin Abalos.
May you have more birthdays to come…

KAUGNAY ng pagpapaliban ng halalan sa mga barangay sa Mayo sa susunod na taon, naging pananaw ni Muntinlupa representative Rozzano Rufino Biazon na sapat na ang panahong ibinigay sa postponement nito para matiyak ng mga botante kung sino ang nararapat na ihalal nila bilang mga opisyal ng kani-kanilang barangay.
Ito man ang naging pananaw ng mambabatas, inihayag niyang pabor siyang buwagin na ang mga barangay dahil nagagamit lamang ng ilang politiko para sa pagsulong ng sarili nilang pakinabang o kapakanan.
Sa Kapihan sa Manila Bay media forum sa Café Adriatico sa Malate, Maynila, ipinaliwanag ni Biazon ang kanyang paniniwalang nagiging ugat din ng paghihirap ng publiko ang pakikilahok ng mga barangay sa mga transaksiyon ng pamahalaan, tulad ng pagkuha ng business permit na kadalasan ay kakailanganin pa ng isang negosyante na kumuha ng permit mula sa kanyang barangay bukod sa mayor’s permit mula sa pamahalaang lungsod.
May mga naniniwala na ang mga barangay ay nagsisilbing kasangkapan ng mga politiko para maprotektahan ang kanilang pananatili sa kapangyarihan sa pamamagitan ng pagbibigay ng pabor sa mga opisyal ng barangay sa layuning magkaroon ng utang-na-loob mula sa opisyal ng lokal na pamahalaan.
Anila, maraming pagkakataon na ang mga barangay ay nagiging baluwarte ng isang incumbent official tulad ng mayor at gobernador dahil nabigyan ng pabor habang ang iba naman ay napipilitang sumuporta sa nasabing opisyal dahil kapag nangyari ito ay iipitin ang kanilang pondo.
Sa nasabing mga usapin, ipinunto ni Biazon na kahit walang barangay ay hindi magiging problema ito ng sambayanan dahil magpapatuloy pa rin ang pagkakaroon ng itinakdang gobyernong mamamahala sa buong bansa para ipatupad ang batas sa ilalim ng Saligang Batas.
Binanggit ng kinatawan ng Muntinlupa na sa ibang mayayamang bansa ay walang masasabing katulad na yunit ng gobyerno ang mga barangay ngunit hindi ito nakaantala sa pagsulong ng kanilang bansa.
***
PARA sa inyong komento o suhestiyon, reklamo o kahilingan, magpadala ng mensahe o impormasyon sa email na [email protected] o dili kaya’y i-text n’yo sa cellphone numbers 09054292382 para sa Globe at 09391252568 para sa Smart. Salamat po!

About Tracy Cabrera

Check Also

FIRING LINE ni Robert B. Roque, Jr.

Sinong gustong dumaan sa EDSA Carousel?

FIRING LINEni Robert B. Roque, Jr. PARA sa mga nagdududa sa ‘kasagradohan’ ng EDSA Carousel …

Sipat Mat Vicencio

Mayor Abby Binay pasok sa ‘Magic 12’ ng Pulse Asia, hahaha…

SIPATni Mat Vicencio SINO ba naman ang maniniwala sa ginawang survey ng Pulse Asia kamakailan …

Dragon Lady Amor Virata

Ikot-ikot na para sa 2025 local elections

Isumbong mokay DRAGON LADYni Amor Virata IBA’T IBANG pakulo o propaganda na ang sinisimulan ng …

AKSYON AGAD ni Almar Danguilan

QCPD nakapagtala ng 82.61% Crime Solution Efficiency sa nagdaang Semana Santa

AKSYON AGADni Almar Danguilan SADYANG hindi maiwasan na saluduhan ang Philippine National Police (PNP) sa …

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Leave a Reply

Your email address will not be published. Required fields are marked *