Monday , April 22 2024

Kampanya kontra basurang plastik suportado ng PRRC

LUBOS na sinuportahan ni Pasig River Rehabilitation Commission (PRRC) Executive Director Jose Antonio “Ka Pepeton” Goitia ang kampanya ng Greenpeace Philippines para lubusang mabawasan kung hindi man matigil ang pagtatapon ng plastik at katulad ng basura sa mga ilog, lawa, sapa, estero at iba pang lawas-tubig na nagdidiretso sa mga karagatan ng buong bansa.

Nagsagawa ng bout tour kamakailan ang opisyales ng PRRC at Greenpeace at nakita nila ang tambak ng basurang plastic mula sa San Juan River na nagtutuloy naman sa Pasig River. Isinadokumento rin nila kung paano naman nagdidiretso ang lahat ng klase ng basura patungo sa Manila Bay.

Kabilang ang Pasig River sa mga ilog sa buong mundo na nagtatapon ng tinataya ng Greenpeace na 63,700 tonelada ng basurang gawa sa plastik sa karagatan kaya pinaigting nito ang kampanya lalo sa mga paketeng minsan lang ginagamit.

Ayon kay Goitia, pangunahing natukoy ang San Juan River na pinagmumulan ng mga basurang plastic kaya pinalalakas niya ngayon ang pinamumunuan na PDP-Laban San Juan City Council upang maipaunawa sa lahat ng barangay na dapat nang mamulat ang mamamayan sa hindi pagtatapon ng anumang basura sa nasabing ilog.

“Nakatira ako sa San Juan kaya nakikita ko ang araw-araw na parusa ng nakalalasong polusyon. Makikita mo ang bula mula sa methane gas na nagmumula sa ilog,” sabi ni Goitia. “Natatakot ako hindi lamang para sa aking kalusugan kundi para sa aking pamilya at sa aking komunidad kaya determinado akong pangunahan ang rehabilitasyon ng San Juan River sa pamamagitan ng PRRC.”

Sinimulan na ni Goitia at ng kanyang masisipag na tauhan sa PRRC ang paglilinis sa mga tributaryo ng San Juan River tulad ng mga sapa at estero at inisyatiba ng ahensiya ang San Juan River Dredging Project na naglalayong mapalalim ang ilog sa pag-alis sa lahat ng basura, putik, latak at iba pang kontaminasyon sa ilalim nito.

“Kapag nagtagumpay tayong linisin ang San Juan River, magtatagumpay rin tayong linisin ang Pasig River,” dagdag ni Goitia.

About hataw tabloid

Check Also

Bong Revilla, Jr

Revilla tuloy ang serbisyo-publiko sa kabila ng aksidente

“SALAMAT sa mga nag-aalala kung ano ang nangyari sa akin, pero nasa mabuti na akong …

Lobo Batangas

Sa Batangas 
PAGLAGANAP NG ILEGAL NA SUGAL SA LOBO IKINABAHALA NG BUSINESSMEN

LUBOS na nababahala ang grupo ng mga negosyanteng kinabibilangan ni Efren Ramirez sa isyu ng …

Bong Revilla Jr Maynilad sinkhole

Maynilad panagutin sa sinkhole — Revilla

“DAPAT managot ang Maynilad at kanilang mga kontraktor.”                Ito ang ipinahayag ni Sen. Ramon …

BUCAA Bulacan Daniel Fernando

Sa Liga ng Palarong Basketball ng BUCAA  
MAGLARO NANG MAY PUSO — GOV. DANIEL FERNANDO

“MAGLARO kayo nang may puso. Ipakita ninyo ang pagmamahal ninyo sa sports. Tandaan ninyo, ang …

shabu drug arrest

Sa Caloocan
PINTOR HULI SA P.1-M SHABU

IMBES pagpipinta ng bahay, pumasok sa ‘drug trade’ ang isang house painter pero ‘minalas’ na …

Leave a Reply

Your email address will not be published. Required fields are marked *