Saturday , December 10 2022

Trailer pa lang ng Seven Sundays, apektado na kami

NALUNGKOT kami nang mapanood ang official trailer ng pelikulang Seven Sundays ng Starcinema na pinagbibidahan nina Aga Muhlach, Dingdong Dantes, Enrique Gil, at Cristine Reyes dahil tungkol sa pamilya na nawalan na ng ina at mawawalan na rin ng ama na gagampanan ni Ronaldo Valdes.

Naalala kasi namin ang nanay naming iniwan kami 14 years na ang nakararaan.

Nang malaman naming balik-pelikula na si Aga ay napaisip kami kung ano ang karakter niya at kung ano ang kuwento ng Seven Sundays dahil kilala naming namimili ng proyekto ang aktor lalo na ngayon na dapat niyang paghandaan ang pagbabalik niya sa pelikula.

Bukod dito ay alam din naming siyempre bida si Aga dapat dahil premyadong aktor siya sa hindi mabilang na pelikulang nagawa na niya noon pa at nasanay kasi kami na kapag Aga Muhlach movie, siya ‘yung pinaka-poste.

Mali kami dahil base sa trailer na napanood namin sa Seven Sundays ay si Valdez ang poste at iikot ang kuwento sa mga anak niyang mga pasaway na sina Aga, Dingdong, Enrique, at Cristine.

Si Ronaldo na ama ng mga nabanggit ang natitirang buhay at hindi nadadalaw ng magkakapatid simula noong mawala ang ina nila, kaya ang dialogue ng una noong dumalaw siya sa puntod ng asawa, ”kaya siguro hindi na dumadalaw ang mga anak mo kasi wala na ‘yung niluluto mong pansit.”

Masakit para sa isang ama na hindi na siya naaalala ng mga anak kaya siguro gumawa siya ng dahilan o baka naman totoo na malapit na siyang mamatay para lang puntahan siya ng mga anak.

At kaya siguro Seven Sundays ay ito ang takdang araw na buhay pa si Ronaldo na linggo-linggo siyang dadalawin ng mga anak sa loob ng pitong beses.

Parang hawig ang Seven Sundays sa kuwento ng seryeng The Greatest Love ni Sylvia Sanchez na gumawa rin ng kuwento na malapit na siyang mamatay para lang puntahan siya ng mga anak na sina Matt Evans, Aaron Villaflor, Andi Eigenmann, at Dimples Romana.

Going back to Seven Sundays na marami ang makare-relate rito lalo na sa mga anak na pansamantalang hindi na naalala ang magulang dahil busy lahat sa trabaho.

Mapapanood na ang Seven Sundays sa Oktubre 11 mula sa direksiyon niCathy Garcia-Molina na hindi pa naman nawawala ang bilib namin sa kanya dahil kapag siya ang nagdirehe, sigurado kaming maganda at blockbuster.

FACT SHEET
ni Reggee Bonoan

About Reggee Bonoan

Check Also

vhong navarro tanya bautista

Tanya masayang-masaya sa pansamantalang paglaya ni Vhong

MA at PAni Rommel Placente MASAYA kami para kay Vhong Navarro para sa pansamantala nitong kalayaan. Nitong …

Alfred Vargas

Alfred Vargas, passion ang showbiz at paglilingkod sa bayan

ALAM MO NA!ni Nonie Nicasio NAKATATLONG termino bilang congressman ng District 5 ng Quezon City …

Blind Item, Male Celebrity

Newcomer nalungkot, P3,500 lang ang pay sa pagbubuyangyang

ni Ed de Leon FRUSTRATED ang isang new comer, kung ano-ano raw ang ipinagawa sa kanya sa …

Vilma Santos Roderick Paulate

Sitcom nina Ate Vi at Kuya Dick naunsyami; Commercial, pelikula nakapila na

HATAWANni Ed de Leon APEKTADO na naman ang schedule ng dapat sana ay haharaping trabaho …

Rabiya Mateo

Rabiya Mateo tinawag na cheap, na beastmode

MATABILni John Fontanilla HINDI nakapagtimpi at pinatulan na ni Miss Universe Philippines 2020 Rabiya Mateo ang netizen na inilarawan …

Leave a Reply