Wednesday , July 6 2022
Bulabugin ni Jerry Yap
Bulabugin ni Jerry Yap

A few good men…

ISA pang dapat bigyan ng pagsaludo sa hanay ng mga opisyal ng Bureau of Customs (BoC) ay si Deputy Commissioner Ariel Nepomuceno…

Matapos ang turn-over ceremony nina outgoing Commissioner Nicanor Faeldon at incoming Commissioner Isidro Lapeña, naghain ng kanyang courtesy resignation si Deputy Commissioner Ariel Nepomuceno.

‘Yan ay para magbigay-daan kay bagong Commissioner Sid Lapeña na malayang makapamili ng mga taong gusto niyang makatrabaho sa Customs.

Kaya lalo tayong bumilib kay DepComm. Nepomuceno.

Ibang klase ang kanyang propesyonalismo, integridad at higit sa lahat delicadeza — kaya naman galit siya sa ‘tara.’

Tatlong importanteng bagay na dapat taglayin ng isang government official.

Nakapanghihinayang nga lang na siya ay nag-resign.

Ganyan talaga kapag hindi matakaw sa kapangyarihan at lalong hindi sakim sa makulay na salitang, ‘juicy’ position kasi nga ayaw niya ng ‘tara.’

Sabi nga, nagserbisyo na siya nang tama, nasa kamay na ng top honchos kung pananatilihin pa ang kanyang serbisyo.

Here’s a guy who hails from the generation of a few good men… pero mas piniling maging low profile, walang hangot at walang yabang, basta trabaho lang.

Anyway, thank you and good luck DepComm. Ariel Nepomuceno!


 

MABILIS SA DAKDAK
BIDA SA PRESS RELEASE,
MAKUPAD SA AKSIYON



KAILANGAN
daw ng Intelligent transport System (ITS) ng ating bansa kaya lumagda sa isang Memorandum of Understanding (MOU) ang bansang Filipinas sa pamamagitan ni Transportation Secretary Arthur Tugade at ang bansang Singapore sa pamamagitan ni CEO Kong Wy Mun ng Singapore Cooperation Enterprise, para magtulungan umano sa pagreresolba ng talamak na problema sa trapiko.

Ang problema natin sa nasabing lagdaan hindi naman klaro kung paano tatrabahuin ng ITS ang pagpapaluwag ng trapiko.

Ano ba ‘yung ITS?

Baka kamukat-mukat ng sambayanan, ‘yung ‘intelligent’ na ‘yan ay dagdag ‘intelihensiya’ lang pala?!

Baka masyadong na-overwhelm si Secretary Tugade sa napakalawak na trabaho sa ilalim ng Department of Transportation (DOTr) kaya biglang naturete at nag-concentrate na lang sa press release at pagpapa-interview.

Aba Sir, hindi ka spokesperson ng DOTr, Secretary ka po. Hindi po kailangan mag-press release nang mag-press release para lang maipakita sa tao na nagtatrabaho kayo.

Mararamdaman lang po ng tao na nagtatrabaho kayo kapag kahit paano ay gumagalaw at nagiging realidad ang mga press release ninyo.

Baka naman panay ang chopper ninyo Sir, from Subic to Metro Manila and vice versa kaya hindi ninyo ramdam ang prehuwisyong traffic?!

Segurado ba kayong nakaapak pa kayo sa lupa, Secretary Tugade?!

E parang sumasalipawpaw na rin ang ‘brain’ ninyo, Sir?!

E sabi nga ng mga naririnig nating feedback, mabilis daw kayo sa dakdak, bida sa press release.

Pero super kupad sa aksiyon.

Totoo ba ‘yan, Secretary Tugade?!

 

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit https://hatawtabloid.com

 

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

FIRING LINE ni Robert B. Roque, Jr.

RIP, Nonoy Andaya

FIRING LINEni Robert B. Roque, Jr. ITINAKDA ngayong araw ang inurnment ni dating Camarines Sur …

AKSYON AGAD ni Almar Danguilan

Patay muna aso bago turok ng bakuna

AKSYON AGADni Almar Danguilan KAPAG namatay na ang aso, saka lang babakunahan para sa anti-rabies …

PROMDI ni Fernan AngelesI

MOA ni Gina Lopez, ibasura na

PROMDIni Fernan Angeles NANANAWAGAN ang mga katutubong magsasaka at mga residente ng Sitio San Roque, …

Dragon Lady Amor Virata

Kagulat-gulat na anunsiyo ni Parañaque newly elected mayor

Isumbong mokay DRAGON LADYni Amor Virata FIRST time in history sa local government ng Parañaque, …

Sipat Mat Vicencio

‘Butas ng karayom’ ang papasukin ni Bongbong

SIPATni Mat Vicencio ANG pormal na panunumpa ni Ferdinand “Bongbong” Marcos, Jr., bilang ika-17 pangulo …

Leave a Reply