Monday , April 22 2024

‘Intel’ nina Fajardo at Bersaluna kailangan sa Marawi City

MAHUSAY ang ‘intel’ ng nasibak na si Northern Police District director Chief Superintendent Roberto Fajardo. Siya ang hinihinalang utak ng maniobra para siraan ang pagkatao ng pinaslang ng tatlong pulis-Caloocan City na si Kian Lloyd delos Santos na pinagbintangan nilang drug courier base sa social media.

Ngising-aso pa si Fajardo nang sabihin sa media na hindi dapat ituring na “santo” ang 17-anyos na si Kian kaya dapat din siyang managot sa Internal Affairs Service (IAS) ng Philippine National Police (PNP) lalo’t umamin na ang dalawang pulis na kumaladkad sa binatilyo bago pinagbabaril habang nakaluhod.

Pero sa pagdinig ng Senado noong Huwebes, biglang nagbago ang bersiyon ng mga pulis na kumaladkad kay Kian. Hindi raw si Kian ang kinaladkad nila kundi isang police asset na hindi naman nila maipresenta. Kinampihan rin sila ni Justice Secretary Vitaliano Aguirre II na naggiit na isolated case lamang ang kaso ni Kian.

Maraming tinahi-tahing kasinungalingan sina Fajardo, dating hepe ng Caloocan City Senior Supt. Chito Bersaluna, at ang killer policemen na sina PO3 Arnel Oares, PO1 Jeremiah Pereda at PO1 Jerwin Cruz para palabasing drug courier si Kian.

Daan-daan na rin ang kaso ng extrajudicial killings sa teritoryo ni Fajardo na laging ngising-aso kung mangatuwiran sa mga kabulastugan sa Caloocan-Malabon-Navotas-Valenzuela (Camanava) kaya dapat nang isa-isahin ng IAS ang lahat ng kaso sa distrito lalo ang isang mentally retardate na walang awang pinaslang matapos ituro ng isang kapitbahay na drug pusher.

Nagsalita na si Pangulong Rodrigo Duterte na hindi siya naniniwalang drug courier si Kian batay sa ‘intel’ ni Fajardo at may komento na rin si Philippine National Police (PNP) Director General Ronald dela Rosa na kriminal ang mga pulis na pumapatay sa mga taong nakaluhod.

Pinakawastong ipabartolina kaagad nina Duterte at Dela Rosa ang tatlong pulis na pumaslang kay Kian. At pinakamabuting italaga niya sina Fajardo at Bersaluna sa Marawi City dahil kailangan ang ‘intel’ nila para tumahimik ang magulong lungsod.

ABOT-SIPAT – Ariel Dim Borlongan

About Ariel Dim Borlongan

Check Also

FIRING LINE ni Robert B. Roque, Jr.

Sinong gustong dumaan sa EDSA Carousel?

FIRING LINEni Robert B. Roque, Jr. PARA sa mga nagdududa sa ‘kasagradohan’ ng EDSA Carousel …

Sipat Mat Vicencio

Mayor Abby Binay pasok sa ‘Magic 12’ ng Pulse Asia, hahaha…

SIPATni Mat Vicencio SINO ba naman ang maniniwala sa ginawang survey ng Pulse Asia kamakailan …

Dragon Lady Amor Virata

Ikot-ikot na para sa 2025 local elections

Isumbong mokay DRAGON LADYni Amor Virata IBA’T IBANG pakulo o propaganda na ang sinisimulan ng …

AKSYON AGAD ni Almar Danguilan

QCPD nakapagtala ng 82.61% Crime Solution Efficiency sa nagdaang Semana Santa

AKSYON AGADni Almar Danguilan SADYANG hindi maiwasan na saluduhan ang Philippine National Police (PNP) sa …

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Leave a Reply

Your email address will not be published. Required fields are marked *